واحده عاوزه تتخطب

**lmda awe** · 05-11-2008, 07:23 AM

هحكيلكم حكايه واحده اعرفها هى فعلا ف مشكله بس انا مش عرفالها حل كل لما واحد يروح يخطبها الاول يوافق لما يشوفها وبعدين يمشى يختفى ولما الشخص الى كان واسطه فى الموضوع يساله ايه الى حصل يقوله مش عارف بس لا اه ولا لا مع ان هيا جميله واخلاقها كويسه جدا بتقرى قران وبتصلى قيام ليل بس هيا كده مش عارفه المهم فى ناس قالولها او بمعنى اصح شيخ قالها بس شيخ بيعالج بالقران ان عندها مس شيطانى بيمنع عنها اى خير و محدش يفكر ان هى بتسلم للخرافات بس الحاجات دى موجوده فعلا مع كده هى برضه مش حاطه الموضوع فى بالها ومراحتلهوش تانى بس هى مش صغيره ف السن ونفسها زى اى واحده تتخطب وتحب عن طريق مشروع احب اسمع رايكم هى تعمل ايه غير انها تصبر اكتر من كده يا رب تساعدوها و ادعولها عن ظهر الغيب يمكن ينفعها مع السلامه اقابلكم ف الردود

**alnor** · 05-11-2008, 04:59 PM

حبيبتى اولا اشكرك لانك بتفكرى فى غيرك وثانيا ممكن تسمحى لى ان اشارك فى حل المشكله اللى عند صحبتك وعلى فكره انا عند وعدى فى دعاء الامتحان

قوليلها كل يوم صباح ومساء اما ان تقرا سورة البقره اوتسمعها والقراءه افضل لانها تمنع وجود الجن والشياطين وتقرا بستمرار ايه الكرسى لانه بتحفظهامن كل شر ولما تنظر للمراه يعنى المرايه تقول بسم الله ماشاء الله لا حول ولا قوه الا بالله وكذالك عند ما ترتدى ملابسها اوتخلعها وفى كل صلاه اثناء اثناء السجود تقول اللهم لاله الا انت سبحانك انى كنت من الظالمين 45 مره وتدعى بعدها ان يفرج الله كربها ولاتنسى قبل النوم المعوذتين وقل هو الله احد وايه الكرسى مع اذكارالصباح والمساء

وقولى لها ياحبيبتى ربما يكون هذا ابتلاء من الله فعليها الصبر وانصحها ان تذهب للشيخ يرقيها رقيه شرعيه من المس والحسد
وان شاء الله تكون بخير
اللهم اسالك لاختى المسلمه هذه العفو والعافيه واساللك لها الستر فى الدنيا وفى الاخره واسالك لها زوجا كريما يتقيك يالهى فيها امين امين
وانت ياحلوتى ايه اخبار المذكره يارب تكونى بتعملى بكلامى اللى قولتهولك اتمنى ليكى التوفيق

اختك نور

**lmda awe** · 05-11-2008, 06:26 PM

شكرا على ردك على مشكله صحبتى وانا اكيد هخليها تعمل الحاجاتدى و تستمر عليها شكرا تانى وانا خلاص بدات بس خصصت وقت علشان اكون معاكم فيه لانى خلاص بايت مدمنه ازياء يلا سلام عشان اروح ازاكر

**bonbona** · 05-14-2008, 04:31 AM

بجد قليل اوى ان حد يلاقى حد مخلص زيك
بجد قولى لصحبتك فى بنات كتير اوى عندهم نفس المشكلة
بس انا والله اعرف ناس كتير
التزمو ا بالاستغفار
والحمد للة ربنا اكرمهم
وربنا يرزقنى ويرزقها ويرزق بنات المسلمين
اهم حاجة بجد تستغفر ربنا كتير فى ناس بيستغفرو الالاف المرات فى اليوم
بس هى تدرجها لنفسها وتعتبرو دة التزام واجب عليها
مع السلامة

**{}{عذب الكلام}{}** · 05-15-2008, 01:27 AM

موضوعك مكانهـ خطأ المفروض يكون بقسم السوالف ^__^

**نور العين حمادة** · 05-16-2008, 09:23 PM

حبيبتى جزاك الله خيرا على حسن صداقتك
واخبرى صديقتك بالكلام الذى قالته الاخت نور فهو اقل الكلام ولكن اصحه
ولتقدمى العون اكثر لصديقتك اخبريها بان هذه المشكلة اصبحت شائعة وهى فعلا اصبحت مشكلة لدى اغلب البنات ونراها ايضا بوضوح اكثر فى تاخر سن البنات الان فى الزواج
واولا واخيرا حبيبتى هو نصيب من عند الله واسال الله العلى العظيم ان يحفظها الله ويكرمها بالزوج الصالح والزيجة المباركة
لها ولجميع اخواتنا المسلمين اللهم امين 0 امين 0 يارب العالمين

**lmda awe** · 05-17-2008, 03:46 AM

جزاك الله كل خير نور العين على الرد

**rana riad** · 06-08-2008, 04:08 PM

حبيبتى حالها حال كل البنات انت اكيد عارفه وكمان نسبه العنوسه ذادت بشكل مخيف ربنا معها

**علا حسن عبد الحميد عماره** · 06-09-2008, 06:20 PM

اللهم اسالك لاختى المسلمه هذه العفو والعافيه واساللك لها الستر فى الدنيا وفى الاخره واسالك لها زوجا كريما يتقيك يالهى فيها امين امين

وربنا يرزقنى ويرزقها ويرزق بنات المسلمين
اهم حاجة بجد تستغفر ربنا كتير فى ناس بيستغفرو الالاف المرات فى اليوم
بس هى تدرجها لنفسها وتعتبرو دة التزام واجب عليها