وحشني شوفه اصحابي وربعي والغلا مستور
أخبي عبرتي لامن ذكرت بيوم جمعتنا
تغير قولتي "ابله" وصرنا نقول يا" دكتور"
نقول القاعه يا دنيا زمان نقول حصتنا
جلست بداخل القاعه ذكرت ايامنا بالدور
وضحكن كان يحوينا ولاتكفي شطانتنا
نزعل بعض احيان ولكن ما نعرف نجور
ونرجع من بعد زعله ترجعنا صداقتنا
نحاتي بعضنا دايم ويعجبنا رجل مشهور
سوالفنا عن الموضه عن الحب وعلاقتنا
وهذا اليوم قد صارت سنه راحت معاها شهور
وافكر كيف هالدنيا خذت منا وناستنا
انا ما بين ناس اغراب وسط قاعه مع دكتور
احاول اخنق العبره وانا اذكر كل حكايتنا
سمعت اغنيتن جابت من اقصاها بقايا شعور
يغنيها علي محمد وهي عيال حارتنا
رجا فيها الا يا دنيا الا ليت الزمان يدور
ويرجع وقتنا الاول وننعم في بساطتنا
وانا رديت في بيتن من الخافق ولام**ور
اضحى بالعمر كله لجل ساعه بشلتنا
وابيــــع النـــاس والعــــالم وراه قبـــور
وكلن راح يمشي له طريق يقول :عيشتنا
انا مابي سوي لحظه وعلي الفرقا انا مجبور
نظيق اليوم من يقدر يبدل وضع ضيقتنا
ظلامن دامس موحش انادي فالخفا يا نور
ابي ربعن ليا من طحت عرفت شلون قيمتنا
بساطه في فرح دايم غلا صادق وله سرور
نخطط كيف بالكـذبه نضيعها درستنا
تخرجنا نعم ادري وكلن داخله مقهور
فرح لكن مع الفرحه دموع تضم حفلتنا
بكينا والبكى فينا ولا لحظه ابد مهجور
دموعن حرفها صادق وتعرف كيف وحشتنا
تعرفنا علي ناس جديده والغلا مستور
ولاحدن يوصل لحبن جمعنا وسط شلتنا
(( منقول للأمانه ))
قصيده جميله عن شطانتنا ا ايام الثانويه
