 |
  |
|
|
|
|
#1 |
|
:: كاتبة نشيطة :: |
السلام عليكم ورحمة الله وبركاته
****************************** ** اسمعوني منيح يا بنات وركزو تمام وانتو يا شباب انتبهوا للنصائح كيف تطفشي عريس اهلك بدهم اياه ؟ و الشباب اسمعوا للاخر عشان في اشياء بتهمكم 1-لا تظهري لاهلك عدم الرضا ... عشان تعرفي تكملي الخطة 2- اهم اشي بالخطة من يوم ما تسمعي بالعريس لحد ما ييجي اوعي تتحممي .. خلي الريحة الحلوة تطلع ...تنسيش تفرمي بصل كتير واذا في ثومة خيييير و بركة ..طبعا انتي عم بتساعدي ماما ما حد رح يحكي معك. 3- طبعا اليوم اهل العريس بدهم ييجو يشوفو (قمر الزمان) عشان هيك قمر الزمان لازم تضل نايمةلقبل الموعد بساعة (عشان وجهها يتريح وما يبين انه تعبان) وهيك بتكوني ضيعتي على اهلك فرصة انهم يكشفوكي. 4-اهل العريس (ابو الشباب) اجو... سلمي على امو بكل برود ...واعملي حالك قرفانة و شايفة حالك بعدها اسحبي حالك على غرفتك ... (عشان بدك تزبطي حالك ولو ... ) و يلا نعرف خطوات احلى ميك ..........أب لهيك مناسبة : *الكحلة : الكحلة جميلة جدا على العيون ... اتكحلي ... بس خلي الكحلة بعين اكتر من التانية.. وهيك بتضمني تكوني (حولة رسمي) *كريم الاساس: ولوووو اكيد بدنا كريم اساس بس على الشفايف .. هيك ببين معك فقر دم * الشادو : طبعا الشادو هو اللي بخبي البلاوي (وهو اللي ببين البلاوي ) الشادو الاسود على العيون و ثقليييييييي (ولوو مش هيك الموديل و الموضة) مع شادو اصفر على وجهك بدل (البلاشر) وهيييييييك ببين معك كوليرا .... ههههههههه و لازم تلبسي احلى موديل : تنورة خضرا (لون الخير ) و بلوزة حمرا (لون الحب) و البسي شالة من سنة الف و تسعمية و ستة وخمسين خشبة و البابوج من العصر الحجري... تححححححفة 5- روحي عالمطبخ عشان توخدي القهوة ... بس اوعك امك تنتبه عالخبايص.. 6- امشي بكل ثقة الى غرفة الضيوف بنفسك... (كل ما تكون ثقتك اكتر بتبيني انك خبيرة بهالامور)... وهيك .... ببلش الفار يلعب بعب ابو العريس ... وبصير يسأل حاله : مدامها خبيرة هيك ليش اللي قبلنا طفشو؟!! بس الفار بعب الابو ما بكفي ... (لازم يكزدرلو شوي بعب العريس ابو الشباب) ههههاي امسكي القهوة ... اتفرجي بعيونه عينيك(واحولي عينيكي) ...المسكين بكون وقع في الصدمة(من اول نظرة)هو طبعا من شدة الصدمة رح ينسى القهوة... :11_1_212[1]: ذكريه وقوليله: " اي خلثنا يا ذلمة طول" ههههههههههههههههاي (يا عيني عاللي بقرطو .... بس اوعي ابوكي ينتبه)ههههههههه طبعا دشري الزلام يحكو بالمهم .... (لووووووووووول) ارجعي لام العريس اللي بدها تشوف جمال شعرك مشكل (هالمرة ما ... بدنا نعمل مقلب ... خليه حلو سشوريه و زبطيه) بسسسسسسسس اقعدي اهرشي و اهرشي و اهرشي قدامها ... تخيلي انه في حديقة حيوانات في راسك ... ههههههههههههههههههههههههه اي مسكينة ام هالعريس اذا نفذتي هالخطوات مية بالمية بأكدلك ...رح تسمعي كلمة : " يا الله " ... وتسمعي صوت ابوكي بحكي للجماعة " شرفتونا" ... لانه الضيوف بدهم (يفلسعو ) قبل ما ينبلو هيك بلوة منيلة .... اه شو رايكم .... بتزبط ؟؟؟ اكييييييييييييد اما انت ايها الشاب فعشان ما يصير فيك هيك مقلب ... قبل ما تفكر تتجوز او تخطب ... تاكد جيدا انه فيك هذه الصفات - نفذوا الطريقه واكيد ما بتندموا يا هيك الشغل يا بلاااااااااااااا بتمنى يكون عجبكم الموضوع:sddhgh: مع تحياتى *اسما* |
|
|
#2 |
|
|
رد: كيف تطفشي عريس أهلك بدهم اياه؟؟!
موكرر قلبى
|
|
|
#3 |
|
|
رد: كيف تطفشي عريس أهلك بدهم اياه؟؟!
هههههههههه
يا الله الشب راح يشوف كوابيس مزعجه يا حرام تسلم ايديكي مشكوره |
كيف تطفشي عريس أهلك بدهم اياه؟؟!