قلي شسوي فيك لاصرت واطي ؟!!
قلي شسوي فيك لاصرت واطي ؟!!
لاجيت أفكر بالوجيه المفاليح
وفرقت بين الناس عالي و واطي
فكرّت بك ضمن الوجيه المشافيح
متقلطن ببساط ماهو بساطي
علاقتي وياك تحتاج توضيح
من شفت في بعض الامور أختلاطي
مثلك [خطا] يحتاج وقفه وتصحيح
بيّن مثل تفريق ماخذ وعاطي
ربيت من صغري على هبة الريح
ولبست لي ثوبن كمومه أخياطي
يوم أنت تلعب في يدين المراجيح
أنا أنطح الضيفان وأفرش سماطي
ماعابني لاصرت ظمن المجاريح
أغلى جروحي بين الاظلاع ساطي
العيب لاسقت القدم دون تصريح
وخليتها بدرب الرديين تاطي
والمشكله أنك تحرث النار و((تصيح))
أركد قبل لافك عنك رباطي
خابرك ماتبعد قريب المراويح
زايد عن العالم بكثر الهياطي
\أكبر طموحك لاتعطرت بالريح
تطلع تمشى بين شاطي وشاطي
من روائع الشاعر المبدع // ثامر شبيب الرشيدي
|