ارجوكو ساعدونى
ارجوكو ساعدونى
انا اتعرفت على شخص من سنةوهو من محافظة تانية وحبيته وحبنى ووالله اتعلمت منه كتير وعمره ما عملى حاجة وحشة والله.وقفت جمبه لغاية ما ربنا فرجها ورزقه بشغل وعدى على شغله 4شهور طلبت منه نتخطب لان دلوقتى هو مسك شغل والحمد لله .اهله مكنوش يعرفونى بس زارونا قبل رمضان اللى فات وبعد ما مشيو سألته قولتله اهلك موافقين قالى أه ومرتاحين ليكى وكدا. انا ارتحت وحددنا معاد نتفق فيه على العفش وكدا وبعد العيد باسبوعين حددنا المعاد وبالفعل اتفقنا على كل حاجة هما مكنوش موافقين على طلباتنا دا اللى قالهولى بعد ما مشيو بس هما ما اعترضوش ولا قالو لاء مش موافقين على كذا وكذا.المهم قرينا الفاتحة وتقريبا جيرانا كلهم عرفو.بعدها بيومين قالى ان خالى انا طالب حاجات كتير منهم وهما معارضين فى البيت عندهم وان اسلوب خالى معجبهمش فى الكلام.المهم كلمته استفسر منه فى ايه مردش اتصلت فى البيت مامته قالتلى كل شيء قسمة ونصيب وانتى يا بنتى طلباتكو كتير انا اتصدمت وقفلت معاها كلمنى هو بقا وقالى بصراحة بابا زعلان من خالك لان طريقتو فى الكلام معجبتوش وشايل منه وانا مش عارف اعمل ايه.فضلت اكلمه واقوله لو الاتفاق مش عاجبكو عادى نتفق ونتراضى تانى مش مشكلة.قالى والدى وكلهم شايلين من خالك.وطلب منى اكلمهم فى البيت تانى وارضى مامته انها متزعلش من طريقة خالى.المهم اتصلت ومن نصيبى والده اللى رد عليا وحاولت اطيب خاطره مقبلش منى الكلام وقالى خايف اكون ظالمك وطلب منى متكلمش تانى واقفل الموضوع وقالى بصراحة مفيش تكافء بين العلتين وخالك كدا مش اللى هو.المهم فضلت اقنعه واقولو طب لما انت مش موافق قرأت الفاتحة ليه قالى خالك اللى عمل كدا فيكى مش انا.ولما زهق منى قالى انا هسيب السماعة على المكتب ولما تخلصى كلامك اقفلى انتى.وبالفعل ترك السماعة على المكتب.وانا قفلت وانا منهارة من اللى عمله دا.اللى اتضحلى دلوقتى انه رافض عشان شايف ان فى فرق فى المستوى بينا هو حسبها ازاى مجرد انه شافنا مرتين معرفش بس لما هو شافنى اول مرة وشاف اهلى ومش موافق جه تانى مرة ليه؟ برضو مش عارفة بس بالنسبة لابنه بيحبنى وعاوزنى وحاول يقنعه مفيش فايدة وهو حالا مبيكلمش حد فى البيت انا مش عارفة اعمل ايه وكل ما اكلمه يقولى انا عملت كتير وبرضو مفيش فايدة وانا سايبها للنصيب لو ليا نصيب فيكى هيكون. هى دى مشكلتى مش لاقية حل و لاعارفة اعمل حاجة لانى واثقة انه بيحبنى وعاوزنى بس المشكلة فى والده.أسفة للاطالة .وارجوكو ساعدونى وافيدونى
|