 |
  |
|
|
|
|
#1 |
|
:: كاتبة نشيطة :: |
كان نفسي اطلع ولد!!!!!!!!!!!
بسم الله الرحمن الرحيم
المقولة دي بقولها كتير في اوقات معينة وفي مواقف معينة بقولها من غلبي وزهقي واكيد في بنات كتير بتقولها لكن يا تري سؤالي لبنات المنتدي انتي قلتي قبل كدة الكلمة دي ؟؟ قلتيها امتي ؟؟ وليه ؟؟؟ ايه اللي يخلي البنت تعترض في وقت الضيق علي حكمة ربنا سبحانه وتعالي في اختياره لنوع جنسها مافيش حد بيختار نوعه اكيد طبعا والاعتراض في حد ذاته شئ حرام اكيد بردو وانا هنا مش بناقش ليه ربنا اختار نوعي كبنت لانه شئ غير قابل للنقاش اصلا لكن بناقش ايه اللي يوصل البنت انها تقول بكل حرقة وضيق كان نفسي اطلع ولد البنت الشرقية او العربية مهما اتعلمت ووصلت لدرجات العلم والثقافة ومهما غلبت نوع الذكور وتفوقت عليهم لكن هتفضل بنت مقهورة ومحاصرة من جميع الجهات كل فعل وقول محسوب عليها من الاهل والجيران والمجتمع كله تصرفاتها ممكن تتفهم غلط ووممكن يكون تصرفها هو نفس التصرف اللي بيفتخر بيه الولد , سوء الظن بيها سابق افعالها دايما من المجتمع والاهل كلمات ومصطلحات هتفضل لازقة جنب كلمة بنت وهي ( عار وهم ) والدليل علي كدة ان اللي يرزق بطفلة اول شئ بيقولو ه وهي لسة يادوب في اللفة( البنت دي هم) مع العلم ان الرسول قال خيركم من بكر بأنثي نظرة المجتمع والاهالي في ا لقاء التهم دايما بتروح علي البنت او جنس عموما مثال علي ذلك ان البنت اللي مش متجوزة دي اكيد فيها عيب اما الولد عادي مهما كبر في السن ده راجل واللقب جاهز للبنت اللي هو عانس لكن مافيش لقب بيتقال علي الراجل اللي متجوزش مهما كان ايه عمره البنت لو اتجوزت وجوزها خانها او بص لغيرها يبقي العيب بردو منها لكن الراجل مظلوم ومحروم وغلبان والتبريرات والشماعات جاهزة لكن لو العكس تبقي مصيبة وفضيحة وحلال فيها القتل مع ان ربنا مأمرش بقتل في الحالة دي وعقوبة الزنا واحدة للجنسين راجل وست لو مخلفوش في بداية جوازهم نظرة اللوم والعتاب هتروح للبنت او الزوجة والعيب اكيد منها مش منه هو ولازم هي اللي تكشف هو لاااا طبعا لو خلفت بنات ومافيش اولاد يبقي المشكلة فيها هي بردو ويروح يتجوز غيرها يمكن يغير الصنف مع ان الست كريمة كتر خيرها قالت ان العيب من الراجل مش الست وفي نفس الوقت هو مش راضي عن خلفة البنات عاوز الوريث اللي هيشيل اسمه مع انه ممكن يشله مش يشيل اسمه لو الزوج توفي والست اتأرملت وحبت تتجوز تبقي جريمة وعيب جدا في نفس الوقت اللي الراجل فيه مجرد ما يخلص الاربعين بتاع مراته المتوفيه بيكون اتجوز واحدة تانية نظرة الناس والمجتمع للست المطلقة كأنها حاجة شاذة وعيب ومنبوزة وميصحش تتجوز واحد متجوزش قبل كدة ولو اتجوزت تاني لازم تتنازل كتير اوي في نفس الوقت اللي فيه الرجل المطلق بيتجوز اجمل بنت واحسن بنت وبتكون نظرة الناس والمجتمع عادي جدا لو ولد وبنت حبو بعض وغلطو سوي الولد يقولها مقدرش اتجوز واحدة غلطت معاها دي ملهاش امان لكن هو ايزي بيزي ياعزيزي له امان وراجل مية مية ومغلطش ولا حاجة دي غلطت مع خيالها البنت من اول يوم في عمرها بتحمل مسؤلية كبيرة جدا وهي سمعة عيلة كاملة وشرف كل فرد من عيلتها مرتبط بشرفها لوحدها اما الولد عادي جدا يغلط ويبرطع ويأنتخ ويمشي مع دي ويشوف دي وكانه عمل تنازل عن شرفه لاخته وكمان الام او الاب اوقات بتفرح بيه وتقول ابني بقي راجل وبقي مبصبصاتي وبتاع بنات لكن البنت لو بس عملت نص كدة هيكون مصيرها الوبا زي هنادي يااماااي وحاجات تانية كتير اوي اوي حتي حوادث التحرش والاغتصاب بدون اي تفكير او القاء نظرة صغنونة علي تفاصيل اي حادثة منهم هتلاقي الهجوم علي البنت وخد عندك بقي من حجج وشماعات زي لبسها اصلها ماشية بتتمرقع والشباب مكبوت اصلها كانت بتضحك بصوت عالي وفي بؤها لبانة وياحورام الشباب بقي سيس ومش متحمل في الاخر الولد هيطلع مظلوم والبنت هي اللي بنت ستين في تلتمية وسبعين حتي المغتصبة بتتقلب الاية وتصبح هي المدانة والمجرمة ونظرة الادانة بتكون من نصيبها الاكبر حتي لو فيها بعض من الشفقة ولكن النهاية انها بتكون منبوذة من المجتمع اوتوماتيكلي بدون تفكير ده غير ان في امثال وجمل مخصوص للبنات وبس ( اتربي يا بنت عيب .... اتكسفي علي دمك .... اكفي القدرة علي فمها تطلع البنت لامها .... لما قالولي دي بنية اتهدت الحيطة عليا .. البنت هم لحد ما تتجوز اكسر للبنت ضلع يطلعها تلتمية وخمسين ....... وطي صوتك انتي بنت ... اخوكي راجل ولازم تقومي تجيبله الجزمة قومي اعملي الشاي يا بت لاخوكي ..... اخوكي بس اللي يخرج ويتفسح لانه راجل انتي عيب تخرجي كتير انتي بنت كما لو كان كلمة بنت دي جريمة او عار بالفعل كان نفسي اطلع ولد بقولها لما بتخانق مع ماما مثلا ببقي نفسي اعمل زي الولاد اخرج واشم هوي واسيب البيت شوية لكن طبعا ماينفعش لاني بنت للاسف والمشكلة بقي ان ممكن مثلا اتخانق مع ماما الساعة سبعة المغرب وكدة كدة انا ناوية انزل اروح لاختي مثلا الاقيها تمنعني لكن لو مافيش خناقة ممكن تقولي روحي يعني لازم يبقي في تحكم وتسلط لمجرد اننا اتولدنا بنات ياتري بقي الولاد والشباب والرجال اللي في المنتدي كان نفسهم يطلعو بنات وحاسين اني مبالغة وشايفين المرايا معكوسة يعني انتم شايفين اننا احسن منكم او واخدين حقوق عنكم ولا انتم راضيين جدا جدا علي نوع جنسكم؟؟؟ والبنات ياتري قلتي الكلمة دي وليه وامتي ؟؟ ولا انتي مهما حصل هتفضلي راضية عن نوعك وعمرك ما هتقوليها او مافيش داعي اصلا انك تقوليها لانك مش حاسة بكل الكلام ده او محدش بيوجهولك ليكي شخصيا؟؟؟؟ ملحوظة ... انا مش بطالب بالمساواه المادية بين الولد والبنت ولكن انا بطالب بالمساواه المعنوية وليست المادية بمعني انه مثلا زي مابنربي البنت علي انها تخاف علي نفسها وتصون شرفها مطلوب نعلم ده في الولد بردوووووو ومش بطالب ان البنت ترجع بيتها الفجر او الكلام ده انا بطالب وبتمني ان افكارنا تتغير وكفاية بقي نفكر بتفكير الجاهلية الاولي لا يمكن حال الامة هيتصلح من جانب واحد والجانب التاني شغالين فيه نخورة ونأسسه علي افكار هدامة ومش صح ومش من الدين ولا الفطرة وبالتالي مستنيين ايه من الجانب التاني اكيد هيتأثر بلافكار دي وفي الاخر نرجع نندم ونلوم حلو الكلام ولا مش تمام؟؟ |
|
|
#2 |
|
|
رد: كان نفسي اطلع ولد!!!!!!!!!!!
كل نقاشك يثبت انه المشكلة في المجتمع مش بالبنت نفسها ومع اني بتفق معك انه حياة البنت كتيرررررررررررر اصعب من الرجل الا انه في اوقات بعمر غير الان انا تمنيت ان اكون ولد لكن الان هاي الفكرة لا ترد على بالي ابدا . يمكن لانه العمر و الخبرات الي في الحياة بتعلم البنت كيف تقدر تتصرف كرجل في المجتمع و تجبر من يقابلها على احترامها بغض النظر عن فكره و مبدائه وطريقة تفكيره واهم شي يحس الانسان في الطرف المقابل انه بيحصل على احترام و طريقة راقية من البنت في المقابل اكيد راح تدفعه باستمرار الى التعامل بالافضل معها . كوني بنت احساس بتميز بثروة اذا قدرتي تفهميها وتعرفي كيف تتعاملي معها. اسفة على الاطالة بكفي رب العالمين اشتق احد اسمائه و هو الرحمن مما ميزنا فيه فكيف ارفض دور سامي في الحياة ام الرجل معلمته اختها وووووووو كتير ادوار اخرى كلها تبعث على الفخر و قدر تحمل المسؤولية لمن ارد. يسلموااااااااااااااا يا حلوة على الطرح و النقاش. |
|
|
#3 |
|
|
رد: كان نفسي اطلع ولد!!!!!!!!!!!
انا بقول الكلمة دي لما بلاقي اخويا جاي بعد الساعة 12.5بليل وانا يا عيني عليا بعد الساعة 9 مينفعش ابقي برة البيت لوحدي او حتي مع صحابي ودة بيحصل دايما وبقولها دايما
|
|
|
#4 |
|
|
رد: كان نفسي اطلع ولد!!!!!!!!!!!
تسلمي ع الموضوع
|
|
|
#5 |
|
|
رد: كان نفسي اطلع ولد!!!!!!!!!!!
والله انك عسل .انا قلتها لما انجبرت اتجوز في الوقت الهم بدهم اياه وقلتها لما بشوف الشباب بتجاهد في فلسطين وبلاد المسلمين وقلتها لما شفت التميز بين الولد والبنت والولد كل اشي اله معلش والبنت زفت وكل اشي الها مش كويس وبعطوا الولد والبنت بحملوها جميله وشو دخلنا فبها ومش مجبورين وجوزها يتبلا فيها . وقلتها لما الكنه بتدلل عشان جوزها والبنت للخدمه والله لا يردها وواجبها ورضى الولد غير والبنت بتتمنى يا ريتني اموت او كنت ولد عشان اتدلل وينغفر كل ذنوبي عند البشر .بس برجع ببر نفسي وبقول الي نفس اجر الرجل بالجهاد وانا في بيتي ومطيعة ربي ثم زوجي وبالصبر بدخل الجنه خاصة عليهم وعلى جهلهم وتمييزهم وبتذكر ان الله لايضيع عمل عامل من ذكر او انثى وبواسيني سيدنا محمدصلى الله عليه وسلم لما بسمع سيرته كيف كان يحب بناته ويدللهم .
|
