امثال شعبيه
كتبالكم امثال شعبيه علشان لو اى وحده حصلها اى موقف لازم تقول المثل وراه على طول,,فهذه صفه موجده فى جميع السيدات
فجبتلكوا امثال لكل المواقف علشان تكونوا مستعدين اكتر يلانبدا 1_منرادك ريده ومن طلب بعدك زيده يعنى لو حدبيحبك حبه ولوحدمش عايزك سيبوه وامشى ولا تسال فيه 2_داخل بيت عدوك ليه قال,,فيه حبيبى يعنى لوحد بيحبك هيبقى مستعد يعمل عشانك اى حاجه 3_ربنا مايقطع بيك يا متعوس يروح البرد ويجى الناموس يعنى الشخص الى مالوش حظ 4_مالقاش عيش ينتشه جابلوا عبد يلطشه يعنى لما يكون الواحد مش لاقى حاجه يكلها وعامل فيها الباشا 5_طمعنجى بناله بيت فلسنجى سكنله فيه يعنى لما يكون واحد طماع طماع فى واحد معهوش حاجه 6_حاجه ما تهمك وصى عليها جوز امك يعنى الحاجه الى متهمكش توصى عليها الى اصلا مابيحبكش 7_خلى حبيبك على هواة لما يجيلك اديله على قفاه يعنى خلى الى بتحبه يعمل الى هو عايزة وفى الاخر وريله العين الحمرا وحسبوه على كل مصيبه 8_قبل ما يشوفوه قالوا حلو زى ابوه يعنى اكيد الحلو ما يجيب الا الحلو 9قالوا للقرد هيسخطوك قالوا يمكن حيعملونى غزال يعنى لما يكون الموضوع اصلا مش فارق معاكى خربانه خربانه 10_ان كنت على بير اصرف بتدبير يعنى ما تصرفش فلوسك على التفهات حتى لوكنت اغنى واحد 11_اعمل حاجتى بايدى ولا اقول للكلب يا سيدى يعنىاخلص حجاتى بنفسى ولا انى اتزل لواحد مايستهلش 12_اذا لقيتها بتسب اعرف انها بتحب يعنى..........مش هشرح ده علشان كلنا عملنا كده.ولا ايه؟!!!!!!!!!!!!! 13_اذا كنت تحب الشركه تدوم حاسب شريكك كل يوم يعنى كل واحد يبقى عارف حقه علشان منزعلش من بعض وعلشان ننجح ونستمرعايزه اقول حاجه بخصوص المثل ده,,,لازم نطبقه فى كل حاجه ,,فى الزواج ومع صحبنا ومع كل الناس الى بنحبهم,,الى زعلان من حد يقوله يعتبه مايسبش الموضوع يكبر لانه لو كبر صعب جدا اننا نتحاسب يلا نكمل 14_بصلة المحب خروف يعنى لوجبت لحبيبك ورده او قلتله كلمه حلوه بالنسباله هتبقى الدنيا وما فيها 15_الضحك على الشفاتير والقلب يصبغ مناديل يعنى يبقى بيضحك فى وشك وهو مغلول ومش طايقك(اعوذ بالله) خلاص خلصنا انابقى عايزاكوا كللكم كل ماتقولوا مثل من الامثال ده لحد تفتكرونى وتدعولى اصل لما بتقولى مثل على الموقف بتحسى كده انك مستريحه وبتضحكى *نصيحه اضحكى كتير على اى حاجه حتىلوكانت مصيبه.مشليها رب يحلها على راى المثل,,اضحك والضحك رخيص قبل ما يغلا وما تلقيش سلام :icon_eek::0153: |
الساعة الآن توقيت السعودية الرياض و الدمام و القصيم و جدة 08:16 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.