ازياء - فساتين سهرة و مكياج و طبخ - عروسة تموت يوم صباحيتها

السلام عاليكم و رحمة الله و بركاته
انا جايبلكم موقع ماثر جدا و يا ريت كل واحدة و واحدة فيكم تاراه انا سمعت ان كان فى وحدة كبيرة و كانت عندها صحبة عازيزة عاليها اوووى اوووى فا كانت فى وحدة تانية صحبتها كانت تعرفها اوى المهم فا قلتلها فى اليوم التانى امبارح خرجت مع اصحابى
صاحبتى الانتيم قالتلى
تعرفى مين مات النهاردة
قلتلها مين
قالتلى فلانة
انا عملت كده مستغربة ابتسامات في فتكات
لان فلانة دى يدوب لسة متجوزة امبارح
قلتلها ازاى قالتلى انها ماتت مخنوقة فى الحمام من الغاز بتاع السخان هى يا حبيبتى عايشة فى شقة لوحدها
اهلها رايحين الصبح يطمنوا عليها ولما ما ردوش وسالوا عليهم الجيران قالو انهم ما خرجوش كسروا الباب
لقوهم فى الحمام وعلى ما راحوا المستشفى العروسة كانت ماتت والعريس دلوقتى فى الانعاش
طبعا كلكم دلوقتى بتقولولى حرام عليكى نكدتى علينا
بس معلش اسمعينى للاخر وماحدش يرد الا لما خلص لو سمحتوا
انا عاوزة من كل واحدة تدخل الاول تدعى لها بالرحمة وان ربنا يصبر اهلها وان يتم شفاء جوزها على خير
انا اول ما سمعت الخبر ده قلت ياه دى اللى كانت لسة امبارح لابسة الفستان الابيض والنهاردة شوفى لبست ايه
اد ايه الموت ده بييجى فجاة
ومن ناحية تانية دى كانت عروسة امبارح وكان فيه فرح ودى وجى وبنات بترقص واغانى
وشوفى تانى يوم حصل ايه
حد كان يتوقع ده اكيد لا الكل كان فرحان وبيدعيلهم بالذرية الصالحة
عارفين مشكلتنا ايه طول الامل
كلنا فاكرين انا لسة بدرى اوى اننا نموت
انا لسة صغيرة يا شيخة موت ايه لا لا لا انا ولادى لسة صغننين لسة قدامى كتير
يارب يبارك فى اعماركم جميعا ويرزقنا طاعة الله وتقواه
هاجيب من الاخر عشان عارفة انى طولت عليكم
كلنا بنغلط وكلنا بنعمل معاصى
ياترى هنتوب امتى
ماحدش ضامن عمره الموت قريب اوى يا جماعة
ارجوكم كلنا ناخد اللى حصل عبرة لنا
واللى بيعمل معصية يبطلها
كلنا دلوقتى نتوب لربنا
ونستغفره
ونساله يعينا على طاعته
اللهم حببنا فى الطاعات وكرهنا فى المعاصى
اللهم اقسم لنا من خشيتك ما تحول به بيننا وبين معصيتك
ومن طاعتك ما تبلغنا به جنتك
ومن اليقين ما تهون به علينا مصائب الدنيا
اللهم احسن خاتمتنا
اللهم اجعلنا من اهل الفردوس الاعلى
يلا مستنية ايه
توبى لربنا وانا اولكم
تبت الى الله ورجعت الى الله وندمت على ما فعلت
وعزمت على ان لا اعود لذنب ابدا
وبرئت من كل دين يخالف دين الاسلام
اسفة انى طولت عليكم
وياريت ماتنسوش التقييم
عشان الكل يستفيد
و السلام عليكم و رحمة الله و بركاته