ازياء - فساتين سهرة و مكياج و طبخ - يابنات الامارات ودي منكم خدمه ضروري

السلام عليكم ورحمة الله

حبيباتي وخواتي بنات الامارات ودي منكم خدمه ..
ابي أسألكم عن السراويل الاماراتيه التراثيه اللي يلبسونها النساء في السابق والان يلبسها الكبيرات في السن وتجي مطرزه من أسفل الساق وخامة القماش من القطن الناعم .

انشاء الله تكونوا عرفتوا قصدي ..

ابي أسال ممكن يجي منها ألوان وهل يوجد منها ماهو غالي وفخم للمناسبات للنساء الكبيرات .
صراحه ودي أشتري لأم زوجي ... لأني شريتلها قبل 5 او 6 سنوات من احد المنتديات وفرحت فيها وظلت تلبسها طول هالمده ولكن واحده من بناتها في هالعيدحبت ترتب وتفرز ملابس أمها ولمن شافت البناطيل رمتهم لانها شافتهم قدام ومهترئين ولكن الام بعد فتره حبت تلبس ويوم ماللقتهم زعلت كثير من بناتها وعصبت وهي مسكينه صحتها على قدها وانا يوم عرفت زعلت عليها ولي سنتين وانا ادور وأسأل كنت حابه افاجئها واجيبلها هديه وافرحها وزاد بحثي لمن عرفت ان القديمه رموها .
اتمنى منكم اذا عرفتوها وتقدروا توفرونها لي أكون شاكره .

انا عارفه اني طولت عليكم الحكي لكن من لهفي على الحصول عليها .