ازياء - فساتين سهرة و مكياج و طبخ - كيف تتعاملى مع خطيبك ؟؟؟؟& اساس وقواعد &

السلام عليكم بناااات كيفكم ان شاله بخير يارب

كتير مننا اتخطبت بالطريقة التقليدية ولسة مش عارفة تتعامل مع خطبها
او حتى المخطوبين عن حب ممكن بكونو مو عارفين يتعاملو ازاى و طبعا مو محتاجة حد يقولك إن من المفروض إن أيام الخطوبة تكون أحلى أيام بتعيشها أي بنت.. بس أكيد بعد ما اتخطبتي لقيتي الحياة مو زي ما سمعت.. ولقيتي نفسك على طول متوترة وأعصابك تعبانة.. عمالة تفكري في ميت حاجة وحاجة.. بالإضافة إلى إنك موعارفة ازاي تتعاملي مع خطيبك.. وكل شوية خناقات وخلافات بينكم.. بسبب، ومن غير سبب...

واللي زاد وغطى كمان.. الخلافات اللي ممكن تحصل بين خطيبك وأهلك، أو بينك إنت وبين أهل خطيبك.. والخلافات أكيد بيكون لها تأثير كبير ، وبتخلي الأيام الحلوة تضيع في خناق وعتاب وكلام فاضي...

طيب تعالي نفكّر مع بعض، ونشوف إيه السبب في ده كله...
فكّرتِ!!!

شوفي يا قمر.. السبب في كل اللي إنت حاسة بيه هو اختلاف طباع كل واحد عن التاني، وإن كل واحد مو عارف ازاي يقرّب من الطرف التاني ويفهمه صح.. علشان كده هاقولك دلوقتي على الأساسيات اللي تقدري من خلالها إنك تتعاملي مع خطيبك علشان تكسبي حبه ليكي.. نشوف الأساسيات مع بعض

الأساس الأول

القبول
أول أساس لازم تقوم عليه العلاقة بين أي اتنين مخطوبين.. هو إنه يكون فيه قبول بينك وبينه.. والقبول بيكون من حيث الشكل والدم، ولا يوجد ما ينفّرك منه أو ينفره منك..

الأساس الثاني

خليكِ رقيقة

لازم كل بنت تكون رقيقة في تصرفاتها مع خطيبها، وموقصدي هنا الرقة المصطنعة.. لأ طبعاً.. قصدي إنك تتعاملي معاه على طبيعتك وبأسلوبك الحلو اللي يخليه يحس إنك أحلى إنسانة في الدنيا، وطبعا من غير تكلف أو كدب

الأساس الثالث

افتحي مجالات للكلام

خليكِ ذكية وافتحي مع خطيبك مجالات للكلام حتى لو الكلام البسيط زي مثلاً إنك تقولي له على الحاجات اللي بتحبيها، وتسأليه هو كمان بيحبّ إيه.. ومو عيب إنك تتكلمي معاه عن حياتك أيام الدراسة.. عن إيه اللي حققتيه في حياتك قبل ما ترتبطي بيه.. وإيه اللي نفسك تحققيه بعد كده.. وشو الحاجات اللي بتفرَّحك.. وشو الحاجات اللي بتضايقك.

وخليه هو بعد يتكلم عن نفس الموضوعات ، واسمعي كلامه كويس، وركزي فيه.. وعلى فكرة الموضوعات دي بالرغم من إنها بسيطة إلا إنها هتفتح مجالات تانية للكلام.. وهتخلي كل طرف يتعرف على وجهة نظر الطرف التاني في الحياة.

وبعد راح يعرف إيه الحاجات اللي بيحبها الطرف التاني ويعملها.. وإيه اللي بيكرهها وبتضايقه علشان يتجنبها.

الأساس الرابع

احترمي رأيه

احترمي رأي خطيبك في أي حاجة يقولها، واوعي تسخري من كلامه حتى لو إنت شايفة إن كلامه كده سطحي ومش عاجبك.. اسمعيه للآخر وشوفي وجهة نظره إيه، وحاولي بأسلوب هادي إنك تقنعيه بوجهة نظرك.

الأساس الخامس

احترمي صراحته
لو خطيبك صرّح لك بحاجة محد يعرفها غيرك، مثلا إنه اتكلم معاكي عن إمكانياته المادية احترمي صراحته .. واقفي جنبه
الأساس السادس

محد كامل
خليكِ دايماً حاطة قدامك القاعدة دي وهي: "إن مافي ا حد كامل، وإن الكمال لله وحده".. يعني صعب جداً إنك تلاقي خطيبك مفيهوش عيوب.. أكيد لازم يكون فيه عيوب.. بس إنت خليكي ذكية.. وشوفي يا ترى العيوب دي مقبولة ولا لأ.. لو كانت مقبولة وهتقدري تستحمليها يبقى مفيش مشكلة..

الأساس السابع

حاولي تغيريه

والأساس مرتبط بالأساس الرابع، يعني شوفي إيه العيوب اللي في خطيبك وحاولي إنك تغيريها للأحسن بس طبعا بأسلوب حلو ومن غير ما يحس.
زي مثلا.. لو كان لِبسُه مش شيك يبقى حاولي بالراحة إنك تغيري العيب ده بإنك تنتهزي أي مناسبة وتجيبي له مثلاً قميص شيك وتقولي له: إن الموديل ده بيخلّيه أحسن من الموديلات التانية اللي بيلبسها.. ويا ريت يحاول إنه يغير للموديلات الجديدة دي...

الأساس الثامن

بلاش حد يدخل بينكم

شوفي يا قمر.. علشان العلاقة بين أي اتنين تنجح يبقى ماحد يدخل بينكم خصوصا الأصدقاء.. وأي خلاف بينكم حاولوا إنكم تحلوه بينكم وبين بعض.

واوعي تقارني بين خطيبك وخطيب واحدة صاحبتك أو خطيب أختك.. خليكِ عارفة إن كل واحد بيختلف عن التاني، وكل واحد وليه ظروفه.
الأساس التاسع

قرّبي من أسرته
ياريت تحترمي أسرته، وتحاولي إنك تقريي منهم، وتكوني صديقة ليهم، وتنتهزي أي مناسبة وتزوريهم، ومفيش مانع من إنك تاخدي معاكِ هدية شيك لأن دي هتخلي مامته تحبك، وده اللي احنا عايزينه.

الأساس العاشر

بلاش نتكلم في الماضي

بلاش تتكلمي عن حياتك العاطفية في الماضي قبل ما ترتبطي بيه، ولا تسأليه هو بعد عن حياته العاطفية قبل ما يرتبط بيكِ، وكل واحد ينسى اللي فات في حياته، ويبدأ صفحة جديدة.. ولو عايزين تتكلموا في اللي فات يبقى الكلام يتفتح مرة واحدة بس، ويكون من غير تفاصيل كتير.

وربنا يتتم ليكو بكل خيييييييييييييير يااارب