|
أبي فزعتكم يا أهل الشرقيه
صباحكم / مسائكم عسل :11_1_122[1]:
حبايبيى .. زواج أخوي قرب .. :( .. ومحتاجة منكم أسماء محلات حق فستاين جاهزة بالسعوديه وبالتحديد بالشرقيه .. اذا أحد يقدر يفيدني ... :rolleyes: وسؤال ثاني ما له داعي بس بسأله .. :D .. بدا التخفيض بالظهران ولا لا ...؟ تسلمون ... |
رد: أبي فزعتكم يا أهل الشرقيه
حبيبتي و الله ما اقدر افيدك بشئ
اللي يقدر يفيدك راح يكتب ليكي |
رد: أبي فزعتكم يا أهل الشرقيه
نورتي يا مشرفتنا العزيزة :D
ولو ان ما في رد << حلفي :p |
رد: أبي فزعتكم يا أهل الشرقيه
هلا عزيزتي ..
راح احاول اساعدج .. فينيسيا مول مليان محلات فساتين سهره .. وحاليا منزل شغلات كثير حلوه .. جربي وروحي الجمعه سنتر بعد .. المصمم اللبناني دائما فساتينه راقيه .. ومحل لازار بعد فساتينه حلووه مره .. وعندج بالدور الارضي بالجمعه سنتر محل حراير .. يجيب احيانا فساتين خياليه .. انا ماادري انتي من وين بالضبط بالشرقيه .. انا اتكلم في نطاق الخبر لأني ساكنه بالخبر .. لكن اذا كنتي من الاحساء .. في وحده اسمها لبنى الحواس ساكنه بالاحسا تجيب فساتني سهره وتايورات من لبنان .. ماشفت من بضاعتها شي .. لكن يقولون انها تجنن .. وعلى مستوى راقي جدا .. وبالنسبه للأسعار .. فـ أظن ان كل شي سعره فيه .. واذا تبين اسعار مناسبه .. روحي الحياة مول بالدمام .. في محلات تجيب شغلات مرتبه وبأسعار معقوله جدا .. او رخيصه نقدر نقول .. في وحده بـ صالون هيفاء بالخبر تبيع فساتين مستعمله .. بالنسبه لي حسيت انها عاديه .. لكن الناس اذواق .. وأسعارها معقوله جدا .. جربي وروحي محل ميموزا اللي بـ كورنيش الخبر و محل اليسار اللي جنبه .. شغلاتهم راقيه جدا .. واسعارهم باهضه الى حد ما .. انا متأكده انج راح تلقين اللي تبين بـ فينيسيا مول :) ان شالله اكون ساعدتج حبوبه :) مبروك زواج اخوج .. والله يوفقه ان شالله :) تحياتي لج |
رد: أبي فزعتكم يا أهل الشرقيه
هاااااااااااااااااي لو اني باشرقيه كان مو بس فدتك الا شريته لك
|
رد: أبي فزعتكم يا أهل الشرقيه
3deda
تسلمين يا قلبي على الرد ... أولا انا من البحرين من كذا أسال عن الشرقيه :D ثاني شيئ .. إن شاء الله هذا الاسبوع بروح الخبر .. بمر فينسيا والظهران أنا شفت بالبحرين فستان عجبني في زارا بس ما في مقاسي :( << بلا هذرة زايده برررررررررررررررره :D |
رد: أبي فزعتكم يا أهل الشرقيه
hwhwh
نورتي يا بطه |
رد: أبي فزعتكم يا أهل الشرقيه
اقتباس:
حياج الله حبيبتي وحيا الله هل البحرين :) بقولج من الحين .. الظهران مول لاتروحين له .. قبل 3 ايام كنت هناك ومو جايبين اشياء حلوه للأسف .. وبعدين اسمحيلي على اللقافه اللي مالها داعي .. تقولين زواج اخوج وشفتي فستان في زارا !!!!!! فساتين زارا جدا ناعمه مو حقت عروس !!!!!!!! الظاهر ان ذوقج جدا ناعم .. :) عموما عليج بالعافيه .. وان شالله تتوفقين في اختيارج وتلقين شي على ذوقج .. تحياتي لج :) |
رد: أبي فزعتكم يا أهل الشرقيه
يعني ما أروح الظهران :(
::: بالنسبة لزارا والفساتين الناعمه .. ايه ما أبي فستان دفش أبيه مرة مرة مرة ناعم .. حتى لو زواج منو .. أنا ذوقي كذا .. ليش أنا العروس ألبس لي فستان كله شك وخرز وووووو (( بصراحة ما تعجبني المبالغه )) تسلمين يا قلبووو على مرورك مره ثانية |
رد: أبي فزعتكم يا أهل الشرقيه
يسلملي زوقك باين انو ذوقك مررررررررررره حلو انا مقيمه بالامارات ما اقدر افيدك حبيبتي لكن الف مبرررررررررررررروك لاخوك وربنا يوفقك في الاختيار المناسب
|
رد: أبي فزعتكم يا أهل الشرقيه
نورتي أم الاء ..
حصلت فستان خلاص براكو لي :d |
| الساعة الآن توقيت السعودية الرياض و الدمام و القصيم و جدة 03:18 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.