ازياء - فساتين سهرة و مكياج و طبخ - وصفة مجربه للقولون وللدهون الزائده و المتراكمه

[بسم الله الرحمن الرحيم

ازيكم يا حلوات يا منورات
انا عندى النهارده وصفه روعه لعلاج القولون -باذن الله طبعا- , الحقيقه كنت اعانى لمدة عشر سنين من تعب شديد بالقولون كان يسبب لى احراج شديد طبعا انتم فاهمين....... ودورت ع الداكاترة والادويه بلا حل لحد والحمد لله ما توصلت لوصفه روعه وسهله جدا والله العظيم و النتيجه ظهرت من تانى يوم والله بس لازم فعلا تجربيها لانها لها عده فوائد منها علاج القولون باذن الله والثانيه مفاجأة وهى تخفيف الدهون فى مناطق تراكم الدهون دون تخسيس كل الجسم والله العظيم تفاجأت بهذه النتيجه حيث كنت اعانى من زياده فى منطقة الارداف مع العلم ان جسمى نحيل ولكن سبحان الله عندى سوء توزيع دهون المهم وجدت ان الدهون بدأت تنزل وحدها من منطقه الارداف دون تأثير على باقى الحسم يعنى مش هتخسى كلك لاء المناطق اللى فيها دهون متراكمه بس المهم الوصفه هى.

1 - بابونج
2 - تيليو ( الزيزفون)
3- نعناع
4- يانسون
5- بردقوش
6- شاى اخضر
الطريقة
انا كنت اشترى علبه من كل نوع من العلب اللى فيها اكياس فتله زى رويال وايزيس او اى نوع متوافر عندك وطبعا من الافضل اختيار نوع اورجانيك يعنى ما يكونش مرشوش بمبيدات يعنى تختارى النوع اللى مكتوب عليه انه خالى من المبيدات , المهم كنت اقوم الصبح اول شى احضر كوبايتن فيهم ميه مغليه و احط فى كل كوبايه 3 فتلات يعنى مثلا فى الكوبايه الاولى فتله بابونج ويانسون ونعناع وفى الكوبايه التانيه فتله تيليو و بردقوش وشاى اخضر , و اسيبهم عشرة او خمستاشر دقيقه فى الكوبايه ما عدا فتله الشاى الاخضر لانه طعمه مر كنت اسيبها بس خمس دقايق و اغطى الكوبايات , انا مكنتش بحط سكر ولا عسل كان الطعم مر قوى لكن كنت باشرب لانه دوا بس لو عايزه تحلى ممكن تحطى عسل , المهم تقعدى ساعتين و لا تاكلى اى حاجه هتلاحظى انك عايزة تخشى الحمام كل شويه كويس معناه ان الأعشاب بدأت تغسل بطنك و قولونك و معدتك . بعد الساعتين عيشى حياتك عادى كلى واشربى زى ما انتى عايزه . المهم لو شاطرة بعد بعد الغدا و قبل النوم بساعتين تكرريها تانى ممكن بعد الغدا و العشا تشربى كوبايات حجمها اصغر بس نفس المقادير .
النتيجه من اول او تانى يوم بالكتير تلاحظى عدم وجود امساك وايضا عدم وجود غازات نهائيا وبعد فتره تلاحظى نشاط عام فى جسمك بل و المفاجاة انا لاحظت نزول منطقه الارداف اللى كانت تضايقنى كتير مع عدم نزول وزن جسمى عموما يعنى بس تأثر فى الدهون المتراكمه لانى انا اصلا ما كنت اتبع ريجيم - سبحان الله-
بعد شهرين توقفت لفترة مده اسبوع لانى كنت مسافره الحمد لله لم يحدث اى شئ يعنى لم اصاب بامساك او تعب قولون عندما توقفت عن الوصفه مدة اسبوع بس اهم شئ لو حبيتى توقفى الوصفة لاى سبب الاهتمام بشرب الميه .
و ياريت اللى تجربها تدعيلى
واجمل تحياتى لكل حبيباتى:11_1_209[1]::11_1_209[1]::11_1_209[1]: