زوجى وكرة القدم !!! تجربة شخصية ..
السلام عليكم http://gallery.johina.net/thumb/1162249216.jpg
اليوم حابة انقل لكم تجربة شخصية مريت بها فى حياتى الزوجية مع زوجى الحبيب.. من اول يوم فى زواجى عرفت ان زوجى كاغلب ازواجنا عاشق للساحرة المستديرة(كرة القدم) http://pic.glaksa.net/files/football/528403098.jpg ويوم الماتش او المباراة وخاصة لما تكون مباراة مهمة بين فريقين مهمين او بين المنتخب القومى ومنتخب دولة اخرى بيكون يوم مهم فى حياته بيحاول جاهدا _رغم انشغاله الشديد بعمله_ انه ينظم وقته ليجد وقت متسع لمشاهدة المباراة فى البداية كان بالنسبة لى الامر غير مهم بالمرة وخاصة ان معلوماتى عن كرة القدم كمعلوماتى عن كيفية انشطار الذرة (انا كنت ادبى على فكرة مش علمى هههه) فكان يا روحى الراجل يجلس وحيدا لمشاهدة المباراة وان حصل دة ان حصل وجلست معاه فاكون مثل الاطرش والاعمى فى زفة بلدى ... ايه دة المفروض الحكم يحسبها بلنتى يووووووه ما دخلتش العب يا اخى شوت شوت بقى ضربة حرة مباشرة يا مسهل طبعا كل دة بيتقال وانا زى لامواخذة (ال.....) الشئ الوحيد اللى كنت بافهمه..ان الكورة تدخل الشبكة وتبقى جووون ودة باعرفه من طنطيط جوزى وفرحته وساعات من صوت الجيران اللى حوالينا اللى يصفر واللى يغنى واللى يخلى مراته تزغرت ..مرة فى مرة ابتدى الراجل يزهق قاعد مع صنم ولعياذ بالله لانى كنت كتير بعد المباراة ما تخلص اساله هو كان بين مين ومين !!!!! ابتدى يخرج يتفرج على المباراة عند اصحابه بيتجمعوا عشان يتفرجوا مع بعض او عند اخواته ..المهم طفش يا حبة عينى من البيت وهنا....وقفت وقفة مع نفسى وقررت..... 7 7 7 7 اتعلم الكورة ..اكيد مش لعبها بس على الاقل افهم اى حاجة تجبر بخاطره يعنى افهم يعنى ايه بلنتى ..يعنى ايه فويل..يعنى ايه كارت اصفر ..يعنى ايه كارت احمر..وهكذا وفعلا ابتديت اقعد معاه واسأل السؤال مش عيب احسن من الجهل 10000مرة ومرة فى مرة اصبح جلوسنا مع بعض للفرجة على مباراة شئ لطيف جدا ومسلى http://www.pic.m3m2.com/data/thumbnails/3/42.jpg وفعلا لاحظت فرحة جوزى بيا لما بنتفرج سوا ..حتى لما يكون مشغول فى شغله بيتابع اخبار المباراة منى انا على التليفون رغاية انا؟؟؟ بس عايزة اقولكم ايه الدرس اللى خرجت بيه... http://gallery.johina.net/thumb/1156684969.jpg ان مشاركة الزوج اهتماماته شئ رائع ومهم جدا وبيقرب الزوجين من بعض ايه العيب انك تحاولى تعرفى هواياته واهتماماته وتشاركيه حتى لو كانت اهتمامات بسيطة مادام مش حرام يبقى فين الغلط؟؟؟؟ هو مش بيفكر يشاركنى فى اى حاجة...مش بردوا راح تقولى كدة ..؟؟؟ يا ستى مش مشكلة ابتدى انتى وهو راح يتكسف ويعمل زى ما انتى بتعملى وحتى لو مش عمل زييك على الاقل يبقا عداكى العيب ولا ايه؟؟؟؟ سامحونى لو طولت عليكم بس والله حبيت احكيلكم عن حاجة عملتها فعلا وجابت نتيجة عارفين بقا لو مش قيمتونى بالميزان حاعمل ايه؟؟؟ مش راح احكيلكم حاجة تانية ابدا ابدا http://www.pic.m3m2.com/data/thumbnails/3/80.jpg |
رد: زوجى وكرة القدم !!!
يسلمووووووووووووووو موضوع رووعه
وكمان احلى تقييم مني |
رد: زوجى وكرة القدم !!!
اقتباس:
تسلمى للمرور المسك |
رد: زوجى وكرة القدم !!! تجربة شخصية ..
لا تنسون التقييم بالميزاااااااااااااااااااااااا ااااان
|
رد: زوجى وكرة القدم !!! تجربة شخصية ..
عملت زيك بس خلاص زهقت لانه افتكر انى بحب الكورة فعلا وكل كلامنا بقى على الكورة وبس عموما انت لسه فى الاول ربنا معاكى
|
الساعة الآن توقيت السعودية الرياض و الدمام و القصيم و جدة 07:05 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.