انت والمذكره
 

انت ..ايوة انت .. ايه اللي مقعدك على الفيس بوك مش وراك مذاكرة مش كفايه فيس بوك بقى
........طبعا كلنا بنسمع الكلام ده كتير :)

طبعا هتقولوا هو الكلام ده ورانا ورانا حتى في الفيس بوك

معلش بس اعصر على نفسك ليمونة واسمعني للآخر
......
.......
طبعا كلنا قبل الامتحانات مفيش وقت ..
الامتحان قرب ,,

انا خايف ,,, مش عارف اذاكر

طيب انا مليش نفس .. كل ما بقعد علي الكتاب بقفله

اعمل ايه ؟؟

طيب ,,


في البداية تعالو نتكلم من ناحية دينية ..

قال تعالى :وقل اعملوا فسيري الله عملكم ..


معقولة انت خايف من والدك او والدتك لما يزعقوا عشان تذاكر ,
واكيد الكلام دا بيحصل ... ومش خايف من ربنا لما يقولك اهملت عملك ليه ,


هاتقولي ما خلاص يا عم .. الترم خلص
وانا مذاكرتش من الأول وكدا هاسقط

اقولك غلطان , اوعي تقول هاسقط غير لو الوقت فات ...

ابدأ من دلوقتي .. ابدأ من اللحظة دي وهاتوصل ان شاء الله ,,




طبعا يا جماعة كلنا بنقعد نذاكر ونقعد علي الكتاب
وساعات نضيع وقتنا ونقوم ناكل ونشرب .. وفي الاخر اليوم خلص
بالنسبة لنا ومذاكرناش
وننام متضايقين اوي من نفسنا ...

طيب ايه رأيكم ...

لو مثلا مسكنا المادة اللي هانذاكرها ,,

خدناها قرأة بس .. ,,
شوفنا اللي هانذاكره اد ايه

باب مثلا ,

طيب نقسم الباب كام فصل ,,

تمام ... ,


طبعا مكان المذاكرة من اهم الحاجات اللي بتحدد قدرتنا علي الاستيعاب
فلازم نقعد في مكان هادي ,,, تكون حاسس انك مرتاح وانت بتذاكر فيه

يعني ايه ؟؟

يعني مثلا لو اوضتك مش مرتبة ,, قوم رتبها قبل ما تذاكر ..
وشوف هل دا هيأثر عليك في المذاكرة ولا لأ ,,

..

طيب يا تري واحنا بنذاكر بنستخدم خط تحت الكلام او كومنتات

ايه اللي انت بتقوله دا ؟؟

يعني حط خط لو قطعة عليها سؤوال مثلا واجابتها تحتها .. ونشاور بسهم منها للأجابةو بتاعتها

وخط >>> تحت القطع المهمة و الكلمات اللي المفروض تركز عليها

كومنتات >>> حاول يكون ليك تعليقات بسيطة وتكتبها علي شمال كدا جنب الصفحة .. هاتساعدك وتفتح نفسك للمذاكرة ,, وتخليك فاكر دايما الشيء اللي علمت عليه كومنت



ملاحظة هامة جدا :

فيه ناس كتير تقولك
انا هاقعد ساعتين او تلاتة متصلين


سؤوال هام جدا
مش خلال التلات ساعات دول ,,
كل شوية قايمين جايين .. نجيب حاجة من المطبخ , نعمل كوباية نسكافيه
نتكلم مع حد في البيت .. نرد علي التليفون ,, وهكذا


وطبعا الأفضل وزي ما اثبتت البحوث ان افضل مدة يستوعب العقل فيها المعلومات
ليأخذ راحة فترة بسيطة بعدها ,, ,هي
45 دقيقة من غير ما تقوم خالص

..

وخد راحة عشر دقائق مثلا ,
وارجع تاني


اه ... يا ريت الراحة ميكونش تلفزيون و لا نزول تجيب حاجة من تحت
ولا تقعد علي الترابيزة تتغدي وتقوم من علي الترابيزة اخر واحد ,, باعتبار
ان شهيتك مفتوحة وكدا ,, لان دا بيأثر علي مذاكرتك ... .




نصائح بقي عشان تخلي الرغبة جواك تذاكر ..

متحاولش تاخد محتوي كبير اوي من المادة في يوم واحد .. 200 صفحة مثلا
كتير طبعا ,,

دايما ابدأ وانت علي مذاكرتك .. وخلي عندك اصرار وعزيمة انك هاتخلص الجزء اللي حددته زي ما قولنا ,,

اعرف انك لو استسلمت هنا .. فانك الوحيد المسؤول عن فشلك وسقوطك

لا تفكر كثيرا في ضيق الوقت فلديك في اليوم 24 ساعة

متحاولش تشغل بالك وتفكر دايما في مشاكلك وانت بتذاكر ,,

متحطش فواصل تتعبك اثناء المذاكرة " تليفزيون .. تليفونات .. أكل لفترة طويلة " وهكذا

متخليش تأثير حد من صحابك عليه ,,

يعني ايه ؟؟

اقولك ... يعني مثلا قررت انت تفتح انهاردة مادة معينة ,,

جه واحد يقولك يااااه دا انا بقالي بتاع مية سنة بحاول افتح المادة دي ومش عارف
هاتفتحها انت انهاردة ,, يا راجل قول كلام غير دا

والكلام برده للبنات هتلاقوا صحاب اكيد بيعملوا كدا

بس السؤوال هنا ,, هل انت زي الشخص اللي بيكلمك ؟؟؟

طيب لما هو لأ ,, يبقي ليه تستسلم لكلامه .. ولا تخاف اصلا

ويا سلام لما يكون فيه حبة شباب بيقولك .. اصل المادة صعبة وكدا كدا هانسقط


طبعا دا كلام فارغ ,, مش معني انها مادة صعبة
اننا نستسلم ,,
..

فيا ريت متستسلمش لكلام حد من صحاب ,,,



اتمني اننا من اللحظة دي ,, نقرر ان احنا منضيعش الوقت ..
نقرر ان في ايدنا اننا ننجح اولا ..
ونقرر ان اختيار لأ , دا مش من اختيارنا ,,

ابدأ كل مادة بتقسيمها وتفصيلها علي اجزاء
دا هيريحك كتير
والمكان الهادي زي ما اتفقنا وترتيبه ونظامه ,,
لا تتهرب من المذاكر >>>> فاهمين
سواء بالنوم او الأكل او مشاهدة برامج تلفزيونية ...



صدقوني ,,, لو ذاكرنا من دلوقتي حتي استحالة نسقط ..
بس اهم حاجة نذاكر صح ,, منغير ما نخاف من الامتحان
وبمناسبة الخوف من الامتحان

قولولي لو سألتكم في مسلسل امبارح ,,
او حتي كارتون بتحب تتابعه ... هاتفتكره ولا لأ ... ولو سألتك فيه هاتجاوب ولا لأ ؟؟

اكيد رد اكيد فاكر واقدر اجاوبك ,,

طيب عارف دا ليه ؟؟ عارفة دا ليه ؟؟؟
لاننا بنتفرج علي التلفزيون او مسلسل او اي حاجة
واحنا مش خايفين وعارفين ان محدش هايمتحنا فيها ,,,,
بنقعد نتفرج عليه واحنا بالنا مش مشغول غير بالمسلسل مثلا وبنكون مركزين ,,


فتعالوا نعتبر مذاكرتنا .. احلي مسلسل .. واروع قصة
ومننساش نقراها في اجمل مكان ,,

وهايكون احسن انسان اللي يقدر يذاكر بدون استسلام ...



وفي النهاية .

( ويا رب كلكم تنجحوا ان شاء الله على طول ويا رب كلكم تنجحوا ان شاء الله على طول ويا رب كلكم تنجحوا ان شاء الله على طول

رد: انت والمذكره
 

رد: انت والمذكره
 

يعطيك العافية ياقلبي

رد: انت والمذكره
 

رد: انت والمذكره
 

مشكوره