ازياء - فساتين سهرة و مكياج و طبخ - طلبتك .. فتّش ايدينك .. و دوّر للولَه ْ .. رسمات

تعال .. و طل ّ في جوفي .. وشف وش لك .. نمى بالذات
مشاعر .. كنت انا اغرسها .. و تسقيها بكلماتك

وغصن ٍ لو تبي تهزّه .. تساقط في يديك .. ابيات
كسرته .. و انثنى عِرق الشعور .. و شوف مأساتك

تغيب .. و لا تبي اشكي ..؟ و احد يرضى على الغيبات ..!
حرام احيا مع اطلال ٍ .. بكت من صوت .. خطواتك

تذكّر كيف من زحمة .. حياتي .. اسرق الحظات
و ازيّن .. من دموعي كف ّ .. لجل آشيل .. دمعاتك

تروح بدنيتك ناسي .. و انا جالس مع الحسرات
نعد ّ اذنوبنا .. و نسكت .. إذا جينا لغلطاتك

ونمشي .. نتبع غيابك .. نعد ّ بدربك الخطوات
و نتراهن .. من الأكثر..! غلاك ..! او طول غيباتك..!

طلبتك .. فتّش ايدينك .. و دوّر لولَه ْ .. رسمات
رحلت و ما رسمت ألا .. مسافاتك .. مسافاتك

صحيح ان الزمن ياخذ مثل ما يكرم المدّات
مثل ما للنظر .. نكسه .. و شف قدرك .. و طيحاتك

و انا ادري للرجل .. وقفه ْ مثل ما للقدر .. وقفات
و انا اذكر للبَخت ْ .. بسمه .. قبل لاشوف بسماتك

واذا في شوفتك رحمه ..! فيمكن للجفا .. رحمات
احج ّ .. لشوفتك مرّه .. و لادري وين .. ميقاتك ..!

حبيبي .. و العتب ما عاد .. يرضى بكلمه و نظرات
و يُؤْسِفُني بِشِدّه انتهى ... مفعول نظراتك

و انا الي كان لي قلب ٍ .. يضخ ّ الحب بالنبضات
وروح ٍ طيبها .. هفهف .. على قيعان زلاّتك

وشوق ٍ كان يتزايد .. كثر مابخافقي ... دقات
تجيني بعد ذا كلّه .. و تسأل " وين دقّاتك "

وش الي امكلف ٍ نفسي .. اكابر .. و اطرد الذات
و انت الساهي .. المتعذر .. بكثر انشغالاتك

حصدت الي زرعته و انت .. خوفك يحصد الغفلات
انا الغلطان لي قلب ٍ .. عَشق ْ فوق احتمالاتك ..

تعيش بواقعي مره ... و اعيش بواقعك .. مرات
و ادوزن .. من همومي .. مسرحيّه لجل ضيقاتك

ابرحل في غياهيب الزمان .. و اركب السجّات
مع اني منْك متعطّش... ماجي شفقان قطراتك

ما راق لي

دمتم بحفظ الرحمن

أذا أعجبكم موضوعي لا تنسون تقيموني

المسك