اشكال لارضيات البيت حصري
 

https://photos.azyya.com/store/up1/0807171541522F7u.gif

https://photos.azyya.com/store/up1/080717154153bBqV.gif

تعالوا المرّة دي نتكلم عن أرضيات المنزل.. فيه أنواع كتيرة من الأرضيات زي الرخام والخشب والسيراميك والموكيت وhdf..

وطبعا كل بيت بيعمل الأرضيات على حسب الإمكانيات المادية وعلى حسب طريقة الفرش وعلى حسب الذوق وتعالوا نتكلم عن كل حاجة بالتفصيل..

أشكال الباركيه

https://photos.azyya.com/store/up1/080717154153UMVx.jpg

وهو فيه منه أنواع كتيرة جدًّا وأشكال كتيرة جدًّا من الأخشاب اللي ممكن نعمل بيها الأرضية الباركيه.

الباركيه التقليدي

https://photos.azyya.com/store/up1/0807171541546zOq.jpg

وفي الغالب بيكون خشب زان وده فيه طريقتين لتركيبه:
الطريقة الأولى: ودي الأسهل والأرخص وهي لزقه.

الطريقة التانية: ودي الأصعب والأغلى وهي الباركيه المسمار.

والنوع ده من الباركيه في الغالب بيليق أكتر على الأثاث الكلاسيكي.

وفيه أشكال كتيرة لتركيب الباركيه أشهرها "سبعات وتمانيات" وده بيليق على الأثاث الفرنساوي، و"رصة الطوب" وده بيليق على الأثاث الإنجليزي.


الباركيه الموسكي

وده بيكون من خشب الموسكي ومن الأفضل إننا نحطه في أوض النوم، وممكن نحطه في الريسبشن لو كنا هنفرش مودرن أو عربي، وبيكون ألواح كبيرة من الخشب وبياخد شكل رصة الطوب.

إزاي ندهن الباركيه..؟

https://photos.azyya.com/store/up1/0807171541548J8F.jpg

جميع أنواع الباركيه بعد ما بنركبها بتتقشط وبتدّهن بلاستيك وفيه أنواع كتيرة من البلاستيك، ففيه البلاستيك المطّ اللي هو مش بيلمع، وده بيكون أفضل مع العفش المودرن، وفيه البلاستيك اللي بيلمع وده بيليق أكتر مع العفش الكلاسيكي.

ونخلي بالنا إن الأرضيات الخشب بتحتاج إلى عناية في تنظيفها، ومن عيوبها إنها بتتجرح لو جروا عليها أي حاجة، ولازم يكون فيه مواد خاصة لتنظيفها زي "الورنيش" ونحاول دايما إننا ما نجيبش عليها مية؛ لأنها أكتر حاجة بتبوظها.

يستحسن كمان ما نصبغش الخشب ونسيبه بلونه الطبيعي؛ لأن لما هنصبغ هيبقع وهيكون شكله مش حلو.

شياكة الرخام

https://photos.azyya.com/store/up1/080717154155VUPR.jpg

فيه أنواع كتيرة جدًّا من الرخام وألوان كتيرة كمان ومن أرخص وأشهر الأنواع الفليتو والجلالة ودول لونهم بيكون بيج وفيه السرباجانتي وده كمان لونه بيج بس غالي وفيه الإربيسكاتوا وده لونه أبيض ومعرّق بالرمادي وهو شبه الكرارة الإيطالي وفيه الرخام الأغدير وده لونه نبيتي وفيه رخام لحم الهوانم وده لونه سيمون، وفيه الأخضر الهنيدي وفيه طبعا الأسود..

https://photos.azyya.com/store/up1/080717154155iBeX.jpg
https://photos.azyya.com/store/up1/080717154155Nsfx.jpg

وفيه كمان الجرانيت وده من مشتقات الرخام وده لا يفضّل عمله في المنزل؛ لأنه بيكون غير مناسب في المنزل، وبيكون مناسب أكتر في المحلات.

طبعاً الرخام بيدّي شياكة لو عملنا بيه أرضية الريسبشن، وممكن نعملها باللون البيج، ونعمل بوردر بألوان مختلفة زي النبيتي أو الأخضر.

https://photos.azyya.com/store/up1/080717154156MReJ.jpg

كمان مدخل البيت ممكن نحط فيه سجادة مصنوعة من الرخام اسمها "ووتر جيت" ودي بتكون عبارة عن قطع صغيرة من الرخام تتعشق مع بعض بتدي شكل جميل ودي بنفضل إننا نحطها في مدخل الشقة بدل السجادة المنسوجة.

كمان فيه حمامات ممكن تتعمل من الرخام بيكون شكلها حلو قوي..

https://photos.azyya.com/store/up1/080717154156EdhZ.jpg

وعلى فكرة كل ما قطع الرخام كانت أكبر كل ما كانت أحلى وطبعا الرخام بيكون فيه تجزيعات طبيعية ورسومات طبيعية ولازم نقف مع الصنايعي وهو بيركب الأرض علشان نتأكد إنه بيعمل الرسومات بشكل تكون ماشية فيه مع بعضها.

السيراميك لازم يكون سادة

https://photos.azyya.com/store/up1/080717154156zu6t.jpg
https://photos.azyya.com/store/up1/080717154157U5TE.jpg

السيراميك ممكن يتعمل بيه الريسبشن بس على شرط يكون سادة مش منقوش، ويكون واخد شكل الرخام أو الحجر أو الخشب..

https://photos.azyya.com/store/up1/080717154157g5zc.jpg

والسيراميك والرخام غير مستحب إنه يتعمل بيهم أوض النوم؛ لأنهم بيدوا برودة جامدة جداًَ في الشتاء على الرغم من سهولة تنظيفهم.

Hdf أشكاله كتير لكن..

https://photos.azyya.com/store/up1/080717154158chjL.jpg
https://photos.azyya.com/store/up1/080717154158I93m.jpg


وده خشب صناعي ممكن نعمل بيه البيت كله وعيبه الوحيد إنه بيعمل صوت لما بنمشي عليه، وفيه منه أشكال كتيرة قوي شبه الخشب، وفيه منه بعض الأشكال اللي عليها رسومات زي رسومات الورد والأشجار ودي ابعدوا عنها تماما.

الموكيت جميل ولكن

https://photos.azyya.com/store/up1/080717154158byTK.jpg

طبعا كلنا عارفين الموكيت بيكون عامل زي السجاد وبنكسي بيه الأرض كلها وهو بيدي جمال للبيت، ولكن فيه أبحاث كتير أثبتت إنه خطر على الصحة فيا ريت في رأيي نستبعده تماما..

وعلى فكرة الأرضيات في أي حاجة لازم تكون سادة ونبعد عن الرسومات.

https://photos.azyya.com/store/up1/080717154153bBqV.gif

ويارب الموضوع يعجبكم ومستنيا مروركم

رد: اشكال لارضيات البيت حصري
 

مشكورة يا قلبي ع المعلومات المفيدة

يعطيك ألـــــــــــــــــــــف عافية

رد: اشكال لارضيات البيت حصري
 

مرسيه لمرورك يا قمر

رد: اشكال لارضيات البيت حصري
 

رد: اشكال لارضيات البيت حصري
 

تسلمي يا قمر علي المرور العطر