ازياء - فساتين سهرة و مكياج و طبخ - اشوف صورتك ودموعي تسابقني

الصوره الي ( بجوالي ) تعذبني
ياكثر ماجيت ابمسحها ! واخليها

يالي جفيت وجفاك المر .. ذابحني
عقبك وجيه البشر .. ماني بدانيها

من يوم حبك .. غزى القلب وتملكني
قطعت كل العلاقات وطواريها

اقرى رسايلك ودموعي تسابقني
وارد ! واقرى الرسايل .. واحتفظ فيها

انت آخر انسان هاقي منه يصدمني.
والظاهر ان هقوتي بانت مواريها

لو الوصايا ليا احتديت ! تنفعني
ياكثر ناس ٍ على ذودي بوصيها

ليت الفرح ( بنك ) لاجيته يسلفني
واقاصده ( راحتي ) وحقوقه اوفيها

من كثر ماكنت ! جارحني وظالمني
قمت اعزل جروحك بقلبي واسميها

تدري وش الي يبكيني ويضحكني
انك محامي قضيتنا وقاضيها

تدري متاك ؟ تعرف قدري وتفقدني
لارخصت نفسك ,, لشخص ٍ مايراعيها

بكره الا هملوك الناس تذكرني
وتقول عزاه : عيني من يداريها ؟

مدام غيري ؟ على قلبك مشاركني
وش هو له ؟ اعلق الأمال وابنيها

يكفيني انك رحلت ومنت عايفني
هذا عزا النفس من كثرة بلاويها

اهديتك : دموع من طعنتك تحرقني
وانت الي تستاهل الدنيا ومافيها

واهديتني جرح .. موجعني ؟ وعاجبني ؟
لن الهدايا على مقدار مهديها

صحيح ! ( حنا انتهينا ) .. بس صدقني !!
واله ان تبقى ( هوى روحي ) وغاليها

مفضوح ؟ راع الهيام .. ونظرته !! تغني
ملامحه واضحه ! , في وجهه راعيها

لكل داء ٍ دوا .. لو هو متعبني
إلا محبتك ؟ .. أعيت من يداويها

ان قلت : علمني انسى ؟ لاتعلمني
دنياي لامن نسيتك ويش تاليها

فارقتني وضحكتك عيت تفارقني
واله يلعن ابو الفرقا وطاريها

مقدر !! أفكر بغيرك ؟ .. وانت عارفني
عشان حاجه ؟ بقلبي .. مقدر !! أخفيها

اخاف لاحبني غيرك ؟ .. وعاشرني
يشوف صورتك في عيني ويوحيها

نشدت عنك ؟ وسمعت الي يفرحني
وارتاح صدري من هموم ٍ يحاتيها

تبي تعرف ! وش ؟ على الفرقا مصبرني
انك بخير .. وحياتك مهتني فيها

من يوم ماغبت ! والوحده تعذبني
اقرى ( رسايلك ) في حرقه والاحيها

اشوف ( صورتك ) .. ودموعي تسابقني
وياكثر ماجيت أبمسحها ؟ وأخليها

/

..

التوقيع

.

https://store1.up-00.com/Apr10/QrM51546.gif

[ نصيحہِ ] إليآ اغليتَ إنسآن ،

............... لآ يدريّ عَن غلآلآتہِ !