تعالوا كلوا الكبده بطريقتى يلا بسمله
بسم الله الرحمن الرحيم بيقولوا الى ياكل لواحده يزور فا حبيت اكلكم معايا يا قمر ات اولا الكميه حتكفى شخصين وممكن 3 ليه لآ المقادير: نص كيلو كبده فراخ صافى توابل(ملح..فلفل..بهرات..3حبهان ..3قرنفل..شطه (حسب الرغبه).) بصله متوسطه 3 م.ك زيت اى نوع انتى بتستخدميه ممكن زيتون او ذرة م.ك مسترده تعالوا بقى نعملها مع بعض اولا الكبده تاكدى من غسيلها كويس جدا بالدقيق والخل وبعد ما تشطفيها سيبيها تصفي ميتها كويس وبعد كده تحطى عليها المسترده وتسيبيها لحد ما يجى الدور عليها فى الطاسه *نجيب طاسه ونحط فيها الزيت مع الحبهان والقرنفل ونقلب لمده دقيقه لحد ما تحسي ان ريحتها طلعت تروحى حاطه البصله وتكون مفرومه ناعمه اوى عشان يبقى فى صوص كتير بعد كده تقلبى لمده دقيقه البصل وتحطى عليها الكبده وضيفى الملح وبقيت التوابل عليها وقلبيها وسيبيها لحد ما تستوى (مش بتاخد وقت خالص ممكن 10 دقايق وتستوى) ممكن تقدمى معاها رز ابيض وبطاطس محمرة او مكرونه بالصوص الاحمر وبالهنا والشفا على قلوبكم امانع عليكى لما تجربيها تقوليلي ايه الاخبار معاكى وتقيمينى |
رد: تعالوا كلوا الكبده بطريقتى يلا بسمله
مشكورة
|
رد: تعالوا كلوا الكبده بطريقتى يلا بسمله
تسلم الايادى يا قمراية
|
رد: تعالوا كلوا الكبده بطريقتى يلا بسمله
|
رد: تعالوا كلوا الكبده بطريقتى يلا بسمله
يسلمو ياقلبي
|
الساعة الآن توقيت السعودية الرياض و الدمام و القصيم و جدة 03:36 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.