قصيدة عن الفراق
السلام عليكم ورحمة الله وبركاته قصيدة رائعة عن الفراق عقب البطا لاقيت ظافي الجديلات = ياليتنا عقب البطا مالتقينا سلمت وقلت لنور عيني سلامات = وش غيًرك ويش السب ما تبينا دنق وقال ارجوك إنه العلاقات = شيٍ حصل ماعاد هو في يدينا قلت السب قال اليالي غريبات = إنه العلاقه واعتبرنا انتهينا انا بحبل انسان ماهي دعايات = ارجوك ابعد خايف انًه يجينا طالعت فيه وهلت العين عبرات = في ساعةٍ غصبٍ علينا بكينا حاولت اعبر عن همومٍ خفيات = بس الحكي شيفيد مهما حكينا كتمتهن بالجوف لوهن قويات = راضي على ماصار لو مارضينا وآخر كلامه قال لي كم كلمات = لاتسيء ضنك في غصبٍ علينا ولف العباه وراح وانا بحسرات = فرقاًجرت من غير ذنبٍ جنينا وقفت اخايل غض الأنهاد لحظات = فيهن تهدم كل شيٍ بنينا وقمت اتذكر كل شيٍ لنا فات = قبل ايتغير بالمحبه حدينا ياما سهرنا بأظلم اليل ساعات = وياما طلع نور الفجر مادرينا وياما لنا فوق المراقيب ذكرات = وعلى جبال الزور ياما رقينا وياما تحملنا الصعوبات مرات = وياما على سود اليالي شكينا على زمانٍ فات جريت ونات = لو هن على ضلعان مكه تلينا اقرا الموادع بالقصص والروايات = لاشك ماضنيت بيصير فينا وارجع واكرر كلمةٍ لي بسكات = ياليتنا عقب البطا مالتقينا الجزء الثاني تكررت عقب البطا والتقينا = من عقب مامرن سنينٍ طويلات في صدفةٍ فيها حشا مادرينا = ولاهقينا نلتقي عقب مافات لاشك جابتها اليالي وجينا = رغم الفراق ورغم ذيك المسافات في موقٍف بان التوتر علينا = لحظه تلين إبها القلوب القويات قالت شلونك قلت ربك عوينا = الحمد لله عاضني عقب لوعات الله رزقني في هنوفٍ تبينا = احيت خفوقٍ كان بعداد الأموات هي نور عيني فرحتي والضنينا = ألقابها عن ظيقة الصدر سجات قالت سليت وقلت عقبك سلينا = لكن عقب مالاعنا الحب مرات قالت شلون وقلت لاتسألينا = مافات فات ولا تفيد الحسوفات قالت تكلم قلت مهما حكينا = الدمع ماينفع عزيزٍاليامات قالت نسيت وقلت لامانسينا = لكن قنعنا والقناعه من الذات قالت أروح وقلت وش في يدينا = روحي عسى في كل خطوه سلامات بصبر على فرقاك مهما حينا = ولا تشوه صادق الحب زلات قالت على ماكنت دنيا ودينا = تكرم ونكرم عن دروبٍ رديات قلت اسمحيلي قبل لاترحلينا = يم الديار الي علينا بعيدات تراي ذخرٍ لاحدتك السنينا = اجيك مهما واجهتني صعوبات من اليوم اخوك وغيرها ما بغينا = كلي فداك ان صار بالوقت ميلات وتبسمت بإعجاب مدري حنينا = وتهشمت قدام عيني بعبرات قالت فمان الله قلت انتهينا = واقفت تكلم نفسها بس بسكات وقفت تقديرٍ لها ثم مشينا = دربٍ مشوه اهل القلوب العفيفات امشي واردد ليتنا مالتقينا = وش جابها عقب السنين الطويلات |
رد: قصيدة عن الفراق
|
رد: قصيدة عن الفراق
يعطيك العاآآفيه قلبوؤو
|
رد: قصيدة عن الفراق
مروركم روعه على قلبي حبايبي
|
رد: قصيدة عن الفراق
سلمت اناملك العذبه على هذا الانتقاء الرائع
يعطيكي الف عافيه وفي انتظار الجديد منك تحيتي لك |
الساعة الآن توقيت السعودية الرياض و الدمام و القصيم و جدة 03:10 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.