الجرح عقبه " جرح " والقلب صندوق
ل جروحك الي تقتل الحب بشويش


مآكنت اصدق موت الاحسآس والشوق
الين مآمآتوا .. وهم في رجاء العيش


كنت اعشق الاحلام وآطآلع لفوق
كنت احسب ان الحب أنعم من الريش


كنت اتنرفز من خطآيآك .. واروق
كنت ادمح الزلات .. من دون تفتيش


اتسوق لي جيش الزلل .. دون ماتفوق
ومن العفو كم لي وانا اسوق لك جيش


مشكلتي اني ذوق .. يآفآقد الذوق
استقبل اجروحك .. ولا قلت لك ليش



ماهو بضعف بس .. حاسب لك حقوق
يالي تحسب ان اغلب حقوقي الطيش


مآتثمر الاغصان لو ماتت عروق
وانا وعروق القلب متنا معاطيش


كم لي ؟ اعيش الوقت باحسآس مخنوق
وكم لي اجآمل .. لكن آجآمل لويش


والله كن الجرح للقلب صندوق
من عقب ماكان الغلا وسطه يعيش..