لاياصاحبي الوضع هذا مايناسبني..
.............قله يفارق ترى لي بان تزييفه..
يروح يبعد وثم يرجع يقربني..
.............يبيني اتبع هواه واخضع لكيفه..
يخطي ويزعل ويرجع لي يؤنبني..
..............اسكت وانا اسمع تفاهاته وتخريفه..
ماني بتمثال وقت الضيق ينصبني..
.............عنه اتلقى خطأ غيره وتهديفه..
عذروبي اللي يعرفه مايعيبني..
.............كتاب مكشوف واضح فيه تحريفه..
الموقف الي حصل بالحيل متعبني..
.............ولا يحاول بثوب الكذب تلحيفه..
قله فراقه ترى ماعاد يرعبني..
.............ماعاد يسوى بعيني ربع تعريفه..
انغام عزفه ترى ماعاد تطربني..
.............عندي تساوى برود شتاه مع صيفه..
ماني معاتب وقله لايعاتبني..
.............جوي تعكر ولا اطلب منه تلطيفه..
نهر العطا جف قله لايحاسبني..
..............القلب ما علق به صعب