واحد يوصي صاحبه على حبيبته بعد
واحد يوصي صاحبه على حبيبته
: وصاتي لك من بعدي ........ تموت فيها علشاني ابيها تعيش و تحيا بك ........ واظل بالذاكره مفقود وصاتي لك تنسيها ........ ملامح وجهي و تنساني وتعزفها قصيدة حب ........ على عكس الي عزفته بعود وصاتي لك تبعدها ........ عن اشعاري وقيفاني تراها مغرمة بالحيل ........ ويشهد لي عدد الردود وصاتي لك تسايرها ........ ترى فيها من احزاني طلبتك لايضيق بالك ........ طلبتك والطلب مردود وصاتي لك تناديها ........ حياتي..عمري..ازماني انا عودتها دايم ........ ادلعها وانا موجود وصاتي لك تعاملها ........ بطيبه قلب و احساني تراها تذرف الدمعه ........ ودمعتها بليا حدود وصاتي لك تحفظها ........ سور وآيات قرآني وتخبرها عن الميت ........ رحل لايمكنه بيعود وصاتي لك ترسمها ........ على قبري وأكفاني ابيها لوحة تبقى ........ على طول الزمن محدود وصاتي لك تمازحها ........ وتشوف الضحكة بأسناني سعيتك ياضحك هالكون ........ طلبتك لاتصير جلمود وصاتي لك تقهويها ........ من دلالي و فنجالي تراها تعشق السمرا ........ ويكفيها دخون العود وصاتي لك تركبها ........ على خيلي و على حصاني وربي فارسة من قلب ........ شهادة ماهي لشهود وصاتي لك تسفرها ........ بلاد الشام و لبناني ترى يحلالها تقطف ورده ........ وردة من بلد الورود وصاتي لك تراقصها ........ على الحان رحباني ترى فيها عرق خالة ........ وفيها من جنون السود وصاتي لك تحبها ........ فأبونورة بعد هاني وتنسيها ندم غلطة ........ انا فيها ترى المقصود وصاتي لك تكرهها ........ في تاريخي و عنواني أبيها تلعن الحظة ........ وتلعن كل فرح موعود وصاتي لك تكلمها ........ عن المجني وعن الجاني وتخليني انا الظالم ........ وانا من حرق الاخدود وصاتي لك تشبهني ........ بدم أحمر قاني وانا هالقاتل السفاح ........ مجرم من عصر نمرود وصاتي لك تحلفها ........ تتوب تحبني ثاني ترى يكفيها ماعانت ........ ويكفي حيلها مهدود وصاتي لك تنسيها ........ وصية قالها لساني أنا اخبرك رجل موقف ........ وانت قدها وقدود صديقي مالقيت غيرك ........ يعرف وشلون تنساني أمانه ضمها بقلبك ........ ترى خالد....رحل مايعود |
رد: واحد يوصي صاحبه على حبيبته بعد
https://hajisqssu.jeeran.com/v200.gif
تسلمين غلاتي https://hajisqssu.jeeran.com/v200.gif لا عدمنا جديدك الحلو https://hajisqssu.jeeran.com/v200.gif في انتظار القادم https://hajisqssu.jeeran.com/v200.gif تحياتي لك https://hajisqssu.jeeran.com/v200.gif |
رد: واحد يوصي صاحبه على حبيبته بعد
روعة
|
رد: واحد يوصي صاحبه على حبيبته بعد
حلو كتير
|
رد: واحد يوصي صاحبه على حبيبته بعد
مشكووووره
|
الساعة الآن توقيت السعودية الرياض و الدمام و القصيم و جدة 02:46 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.