رد: لعبه خطيره مين يقدر عليها؟!!!!
 

حبيبتى مشكلتك دى اسهل مشكله ممكن تقابل زوجه مع زوجها احمدى ربنا انو مش بخيل ورأى حبيبتى عاشقه سنه رسول الله موفق احب اضيف عليه ان لو حسيتى بفشل محاولاتك معاه ممكن بكل بساطه تطلبى منه فلوس لأى سبب وتحوشيها بدون علمه بس بشرط انها تكون بنيه الطوارء ومتصرفيش منها على كيفك لانها بتكون امانه تسألى عنها يوم القيامه(اسألى شيخ فالنقطه دى أفضل) وبعد متحوشى مبلغ كويس وفيه ظروف ومحتاجين تجيبو عربيه..... تشترو ملابس....عندكو مناسبه وعايزين هديه كده يعنى الفلوس تسد وجوزك يفرح بيكى وبعد كده حيسبلك الميزانيه بمحض ارادته بالتوفيق

رد: لعبه خطيره مين يقدر عليها؟!!!!
 

السلام عليكم ورحمه الله وبركاته
والله انا عجبنى الموضوع جدا جدا
وكل المشاركات ممتازه جدا و برافو ليكى * رنيوم *
على الموضوع الاكثر من رائع وفيه فعلا حل للمشاكل المتعدد الى موجوده للستا المتزوجين

بس انا ليا رأى الى مش متزوجين اوالارامل الى بالمنتدى ممكن يقولو رأيهم بالحلول مش لازم يقولو مشكله او عيب زوج وبرضه اهى فايده والكل يشارك ويستفيد وانا اسفه لو رأى غلس انا ممكن اسحبه

والف مليون شكر ل *عاشقه سنه رسول الله *

وكان الله بعونك ورزقك الهدايه لاولادك وهداهم لما يحبه الله ورسوله وهنأك بزوجك المصون وزادك تقوى واحسان

انا عارفه انى طولت بس انا هلتزم بالقوانين هقول رأى فى حل المشكله وهطرح عيب زوجى ومنتظره الرد من الى بعدى
طبعا رأى عاشقه سنه رسول الله و رنيوم ممتاز جدا

و انا ليا حل ممتاز قوى قوى وينفع انتى ممكن تقولى لزوجك انك حابه تعملى رحله معاه تجديد شهر العسل مثلا او تغير وطبعا لازم يكون معاكم اموال للصرف والاقامه وانك نفسك فى كده جدا بس بطريقه لذيذه وتكونى هاديه ولابسه لذيذ

وطبعا يا حبيبى احنا مش بنعمل حساب الظروف بس لو قدر يدبر مبلغ الرحله وانتى فى الرحله تقنعيه بعد مايشوف حلاوه الرحله وانها تستاهل كده ان كل شهر او اسبوع تحوشوا مبلغلظروف دى وانت بقى شوفت بنفسك الرحله جميله ياريت نكررها كل سنه والكلام الجميل ده وهتلاقيه مع الوقت اصبح معتدل فى الاسراف بس متزعليش لو بقى بخيل هههههههههههههههههههههههههههههه
:11_1_120[1]:




انا بقى مشكلتى ان زوجى شكاك جدا وكان فى الاول كده قبل ماتجوزه بس قلت لما نتجوز وهو يلاقينى كويسه هينسى الشك بس بعد الزواج اكتشفت ان ده داء فى العيله بتاعته كلها وانا تعبت جدا واعصابى تعبت جدا لدرجه انى حاولت انتحر كتير لانه كمان بيشك فى اخواتى لو خرجت معاهم الدتى ولا حتى اى حد بيجيلى مهما كان وبيسأل ابنى لما نروح عملتو ايه انهرده وكده ويقعد يقره وابنى انا حاولت معاه يبطل الطبع ده بس اظاهر انه هبيقى وراثه هههههههههههههههههههه وكتير بلاقيه بيفتش ورايا فى متعلقاتى الشخصيه وباقى العيوب لاداعى لذكرها لانها تصبي بالاحباط بس الشك هو اكثر عيوبه الى تعبانى نفسيا واشكركم واسفه جدا جدا جدا عالاطاله :sdgsdgh:

رد: لعبه خطيره مين يقدر عليها؟!!!!
 

رد: لعبه خطيره مين يقدر عليها؟!!!!
 

رد: لعبه خطيره مين يقدر عليها؟!!!!
 

اختي mmw مشكور على مرورك العطر

ويهنيك ويسعدك يارب


دمت بود