طريقة مضمونة للكيك الاسفنجي مجربة
السلام عليكم ورحمة الله وبركاته انا كل يوم بساوي الكاتو الاسفنجي بهاي الطريقة والحمدلله بتنجح دوما وجوزي بحبها وبينبسط مني كتير مشان هيك حبيت اشارككو لاني بعرف قديش الواحد بيلاقي طرق للكيك الاسفنجي بس مو كلها بتزبط انا جربت كتير لحد ما لقيت هاي الطريقة بواحد من المنتديات بس نسيت مين كخخخخخخخ من كتر التجارب -------يلا عاد خلصينا وين الطريقة------
المقادير : 5 بيضات +2 كاسة دقيق عادي + 1كاسة سكر بودرة +ظرف بيكنغ باودر + ظرف فانيليا الطريقة : نفصل بياض البيض عن الصفار ونخفقه حتى يصير أبيض مع السكر والفانيليا ونتركو ع جنب ونخفق الصفار مع البيكنغ باودر وربع كمية الدقيق وبعدين بنخلطو مع البياض شوي شوي مشان ما نطلع الهوا بمعلقة مو بالخفاقة وبنكمل حط الدقيق كلو طبعا بنكون مجهزين صينية صغيرة قياس 25 أو 30 وندهنها شوية زيت قلي او زبدة وشوية طحين طبعا بتعرفو كيف والفرن بنشغلو قبل ما نبلش ع النار الوسط انا فرني ما في درجات كخخخخخخخخخ وبنحطها بالوسط وا بنفتح قبل نص ساعة كاملة وبعدين بنشوف اذا بدها شوية تحمير من فوق وبنتركها تبرد وبعدين بنحشيها اللي بدنا ياه ممكن قشطة وموز وممكن اي شي تاني وانشاء الله تجربوها وتعجبكو وادعولي بالذرية الصالحة واللي تجربها تحكيلنا ملاحظة : انا جربت السكر العادي وجربت البودرة ما كتير بتفرق يعني اذا ما في سكر بودرة حطي عادي بس المهم تكون كمية السكر نص كمية الدقيق |
رد: طريقة مضمونة للكيك الاسفنجي مجربة
روعة
تسلم أديكى |
رد: طريقة مضمونة للكيك الاسفنجي مجربة
الله يرزقك الذرية الصالحة عاجلا غير اجلا
|
رد: طريقة مضمونة للكيك الاسفنجي مجربة
يسلمو ياعسل
|
رد: طريقة مضمونة للكيك الاسفنجي مجربة
بارك الله فيكى
مممممممممممممممممممم |
الساعة الآن توقيت السعودية الرياض و الدمام و القصيم و جدة 10:27 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.