ازياء - فساتين سهرة و مكياج و طبخ - قصه واقعيه مثيره لفتاة بالمطار انواع الفشيله ..!

هذي القصه قريتها باحدى المنتديات وحبيت انقلها
هذي القصه صارت لوحده صدق في مطار الملك خالد في الرياض
وتقول:في الصيف الي فات كنت مسافره لجدتي في الشرقية
كنت جالسه في الانتظار استنى ينادون على الرحله
طبعا وكالعاده رحلات السعوديه لازم تتاخر
اعلنو تاخير الطياره ؟؟؟
قلت يلله خل اروح اشتري شي اكله واقرا المجله لين يجي وقت
الاقلاع
رحت واشتريت عصير وبسكوت
ورجعت لمكاني
واذا فيه ولد جالس جنبي وبيني وبينه الطاوله
المهم بديت اقرا المجله والبسكوت على الطاوله اكل منه
مادريت الا الولد مد يده وبدا ياكل من بسكوتي
خير وين يابو الشباب (اقولها في نفسي طبعا)؟؟؟
يمون هههههههههه
قمت أناظر فيه بنص عين
والله وبدا ياكل وحده ورا وحده
وبديت اعاند
و اسابقه
آكل اكثر منه
وكل واحد ياكل اسرع يبي يخلص على الثاني
من جد شين وقوي عين
طرار ويبي ثوب كبك بعد
واشوف ولا هذي اخر حبه في العلبه
واسرع ابغى اخذها
ونمسكها سوا
ويجي ياخذها؟؟
يوم اخذها قسمها نصين وعطاني نص
اخذت النص واكلته
امون انا بعد
بعدين استوعبت
خير وش سويت زودتها ورجال غريب عيب علي
بس هو يقهر
يمون خلص بسكوتي
المهم واخيرا نادو على الرحله وركبت الطياره
جلست في الكرسي حقي وزعت المضيفه بروشورات فتحت شنطتي وحطيتها فيها
يوم فتحت شنطتي واتنح !!!
تدرون وش لقيت؟؟؟؟؟؟؟؟؟؟؟
لقيت بسكوتي/[/وطلع البسكوت الي انا اكل منه حق الرجال
انواع الفشيله؟؟
وش بيقول عني الولد مدري الرجال مدري من
بيقول زي ما كنت اقول عنه وش تبي ذي؟؟؟
واصكها نومه طول الرحله اخاف اقوم ويمر وانتحر من الفشيله
اعجبتني ونقلتهآ لكم ^^
تحياتي لكم ^^