ازاى تخنقى جوزك
 

طبعا علشان أكون محايدة
بعد موضوعي الأولاني
ازاى تخنق مراتك
كان لازم تخنقى جوزك علشان كدة
جبتلكوا
ازاي تعكنى على جوزك
دلوقت دي فرصة لكل البنات
الي متجوزة ازاي تعكن على جوزها
والي لسة مش اتجوزت ازاي تعكن
على اي راجل في البيت
يعني اخوها ابوها
جوز اختها المهم راجل والسلام
طبعا انا مش هحذر من اي حاجة
هتحصل للبنات
لأنهم دايما الطرف الأقوى




الطريقة الأولى ...




** عند التلفزيون **





من المعروف دايما أن البرنامج المفضل لدى الرجل هو مباريات كرة القدم , لذلك فإنه فرصه مناسبه لتحقيق أكبر قدر من رفع الضغط دون عناء كبير .... لو شفتيه في قمة الحماس والتركيز يعني مثلا لو حصل زلزال وهوا مش حاس او انفجرت قنبلة وراه وهوا ولا هنا اعملي كدا ... اعملي نفسك سعتها ( ست البيت النشيطه ) وجيبي منظف الزجاج مع الفوطه .. ويلا يا مسح..وهاتك يا نضافة.. ترشي الشاشه منظف وامسحي بحركه دائريه على الشاشه وحاولي انك مش تخليه يشوف
( ودي اهم حاجة )


ولو قالك ابعدي قولي : مش فاضيالك... بامسح وانظف ..
طبعا مع البصة الي تفرس بتاعه كل بنت



ثانيا...




هاتي بعد كدا المكنسه الكهربائيه في المكان الي هو موجود فيه وابدأي بالكنس وحاولي من لحظه للحظه تكنسي قدام التلفزيون ولو قال : ابعدي والا هتلاقي الفازة او الطربيزة في وشك ..قولي : مش تقدر لانك هاتضطر تجيب غيره !!!!! بردو مع البصة المستفزة بتاعه البنات



ثالثا...


والأحسن انك تقعدي وتعملي نفسك متابعه بعدين تصوتي فجأه وتقولي : يالهوي نسيت الكيكة في الفرن وهيلا هوب من مكانك وبعدين اجري ناحية المطبخ وحاولي انك اثناء الجري تفصلي سلك التلفزيون برجلك



** عند النوم **


وأولا...


إذا زوجك بيشخر .. نكدي عليه نومه , ازاي؟؟
دخلي عليه كل اطفالكم وأطفال جيرانكم وبعدين...
اقفلي عليهم الباب ... وسيبي الباقي عليهم .
مش هيقصرو ... ماشاء الله عليهم ..


أو : إذا كان نايم ومش حاس بالي حواليه..
تعالي وبدون مقدمات خضيه خضة تخليه
يقطع الخلف فيها ... وقولي له بكل برود :
انت نمت يا حبيبي



ثانيا...
هناك طرق أخرى لرفع الضغط أثناء النوم
وهي أخف ضرا على الطرفين ... منها :


- إطفاء المكيف في عز الحرر .




- فتح ستائر الغرفه حتى يدخل ضوء الشمس المعمي للعين ..


( ويفضل عمل الفقرتين السابقتين في وقت الظهر ..)


- لابأس من إضافه بعض من قطرات الماء في الأذن .



لو شفتيه مش له خلق ومقفله معاه مش تخافي...
بالعكس دي فرصتك تنتقمي منه يعني
اخنقي عليه ( خلي دمك ثقيل )


بس خلي بالك من الحظة دي من حركة ايدو لان ممكن تلاقي طبق او كرسي لابس في وشك .. ولازم تكوني مجهزة نفسك بمفتاح الاوضة.. مش تعرفي ايه الي ممكن يحصل
( يا غالب يا مغلوب )



المهم..


اضحكي على شكله او هدومو او قعدتو ..
اكيد هيقولك ابعدي عن وشي دلوقت انا مش عندي
خلق ليكي ,
انتي مش تسكتي قوليله :
ولو مش سكت هتعمل ايه ؟؟؟


طبعا هوا هيقوملك وهيوريكي هيعمل ايه..
انتي في الوقت ده امسكي هدومك في سنانك
واهربي على الأوضة ...
وطلي عليه من الباب وقوليله
ههههههههههههاي
اهم حاجة رفعت ضغطك وقومتك من مكانك
هههههههههههاي



***وقت الخناقة ***


لو جالك يوم وفي راسك شر وعايزة تتخانقي معاه
جهزي الحاجات دي واعملي الي هقولك عليه


لمي شعرك كويس واربطيه او حطي عليه جل المهم
جهزي نفسك للجري


جهزي مفتاح اوضتك وياريت يكون في جيبك على طول
طول ما انتي بتسمعي كلام واحدة زي


لو بدأت المعركه حطي راسك براسه ومش تبيني انك خايفه وحمري عنيكي وقوليله اية انت مش فاكر اني ممكن ادافع عن نفسي يا روحي وبالروسية و اديلوا طخخخخخخخخخخخخ ........


مش تستسلمي اديلو بوكس على عينة الاتنين علشان مش يشوف قدامو وخدي ديلك في سنانك وهاتك يا جري


وعلى طول لاوضتك الي مجهزة مفتاحها من قبل كدا واقفلي على نفسك .. ويادار مادخلك شر...
بس نصيحه اقعدي يومين لايشوفك ولا تشوفيه لانه عايز ينتقم لكرامته وبيوريك النجوم مش في عز الظهر بس لا دة هيورهملك طول اليوم ...


طبعا يا عزيزتي
عرفتي دلوقت ازاي تعكني على الراجل


اسيبكوا بقى تذاكروا الموضوع كويس
وتنفذوا الي فيه بالحرف الواحد


هههههههههه

لما الحق امشى قبل مانضرب
هههههههه

رد: ازاى تخنقى جوزك
 

ههههه

رد: ازاى تخنقى جوزك
 

يسلمو ..

رد: ازاى تخنقى جوزك
 

هههههههههههههههههههههههههه

يا شريرة خخخخخخخخ ايه الحركات النار دي

بس في منها لذيذة من وقت للثاني

لو شفتيه في قمة الحماس والتركيز يعني مثلا لو حصل زلزال وهوا مش حاس او انفجرت قنبلة وراه وهوا ولا هنا اعملي كدا ... اعملي نفسك سعتها ( ست البيت النشيطه ) وجيبي منظف الزجاج مع الفوطه .. ويلا يا مسح..وهاتك يا نضافة.. ترشي الشاشه منظف وامسحي بحركه دائريه على الشاشه وحاولي انك مش تخليه يشوف
( ودي اهم حاجة )

دي بعملها دايما مع زوجي خصوصا لو كان بيشوف فيلم رعب ههههههههههههههه

رد: ازاى تخنقى جوزك