ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   العناية بالبشرة و الجسم (https://fashion.azyya.com/29)
-   -   لبياض اليدين خلال يومين (https://fashion.azyya.com/152683.html)

عاشقة الفردوس 06-19-2010 02:48 AM

لبياض اليدين خلال يومين
 
السلام عليكم.. .


كيف حالكم يا بنات...


اكيد شفتوا العنوان وتعانون من نفس المشكله وتبغون الحل صح؟؟؟؟؟؟؟؟



طي يب...


اخبركم الطريقه....؟؟؟

ولا؟؟


[B][I][CENTER][SIZE="6"][COLOR="Blue"]ابيعه عليكم كخلطه؟؟؟ مثل مايسون بعض البنات الي يبغون يستغلونا الله يسامحهم ها؟.

انا ما ابغي الا افادتكم جميعا بلا مقابل... والله يشهد علي... من غير مقابل... تكفيني دعوه صادقه من بنت استفادت من خلطاتي... يكفيني هذا الشي... وكل شي بميزانه عن رب العالمين وربي الشاهد...

مابغي اطول عليكم... بس فيه ملاحظة...

اذا ما افادتكم الخلطه مثل ما فدتني ... لا تقولون اني غشيتكم... ترى كل بشره تختلف عن الثانيه.. احيانا الادويه الكميائيه تناسب بشرات وبشرات لا... وادويه طبيه.. واكل... واي شي بالدنيا.. يناسب ناس وناس لا...


الحين نروح للمه يا حلوات...


بدايه... الخلطه هذي ممكن تستخدمينها لليد. للوجه. للجسم. لكن لا للمناطق الحساسه..او الابط... لا لها المناطق..

تستخدمينها على فترات متباعده بالشهر... يعني 3 مرات بالشهر.. ممكن.. اكثر من جذي لا...
يعني كل اسبوع مرة.. او كل اسبوعين مرة....( انا استخدمتها يومين ورا بعض وما ضرتني) لكن بشكل عام استخدميها بالاسبوع مرة...


طيب شو هي الخلطه؟؟

الخطه بسيطه وايد...

تحتاجون ملعقه اكل بكينج بودر( لازم يكون بيكنج بودر مب بيكنج صودا... لا.. لازم بيكنج بودر.. وانتبهوا لازم بيكنج بودر .. علشان ولا وحده تسألني هل هو بيكنج بودرولا بكينج صودا ولا بيكربونات الصودا.... بكينج بو در هو المطلوب.. ملعقه اكل وحده بس مب اكثر)

ملعقه اكل خميرة فوريه

ملعقتين اكل ماء
تخلطون ملعقه بكينج بودر + ملعقه خميره فوريه+ ملعقتين ماء.... جيدا جيدا جيدا...


بعدين.. تحطونها على ايدكم... لين ما تنشف الخلطه على اليد بشكل كامل.. تنشف عدل... مابعطيكم وقت معين... لكن الى ان تنشف الخلطة نهائيا... ولازم تنشف الخلطة على ايدكم عدل عدل.... يعني ممكن تحتاجون نص ساعه او اكثر او اقل... المهم انها تنشف على اليد عدل...


بعدين تشيلون الخلطه من على ايدكم بواسطه قطعه قماش جافه.. لا تغسلونها.. بس شيلوها بقماش

بعدين تجهزون ماي ساخن ... (طبعا يكون اكثر من انه دافي.. يعني اقرب للسخونه منه الى الدفىء)

وتجيبن فوطه نظيفه وتغمسونها بالماء الساخن هذا.... وتحطونها على ايدكم... وتفركونها عدل عدل عدل عدل عدل عدل عدل( لكن لا تجرحون انفسكم )
يعني اخذي الفوطه المبلله بالماء الساخن وافركي ايديج فيها عدل وبشوي قوة.. يعني ادعكيها عدل...

وبعدين بعد ما تخلصين.. نشفي ايدج... وحطي عليها اي مرطب تستخدمينه...


واذا بتطلعين حطي عليها سن بلوك(واقي شمس).... والافضل انج تسوين الخلطه هذي باليل... والصبح تحطين سن بلوك عليها وتطلعين عادي...


وشوفي ايدج وكل الي بيشوف ايدج بيقول لج ابيضت عن قبل... خاصه الي ايدهم مثل ايدي... اسمر عن ويههم وايد...


انا حطيتها سويتها يومين ورا بعض... ماقدرت اصبر.. قلت بسويها ورا بعض ومالي دخل... وسويتهم وكانت النتيجه اكثر من رائعه...وماضرتني..

_________________________


للوجه. يكفي مرة كل اسبوعين.. او مرة بالشهر... وياريت الي وجها حساس لا تجربه نهائيا
نفس المقادير.. ونفس الطريقه بالضبط....

اخلطيهم.. وخلي على ويهج الى ان تنشف الخلطه نهائي... وبنفس الطريقه.. بالقماش المبل بالماء الساخن ادعكي ويهج(لا تجرحينه) وركزي على الرؤوس السوداء .. وصدقيني بتروح لج من اول مرة... ربيعتي جربتها وقالت لي راحت الرؤوس السوداء الي بذقنها.. وفعلا راحت وصفى ويهى وايد..

منقول للفائده[/COLR]SIZENTB

شوشة فوشية 06-19-2010 07:38 PM

رد: لبياض اليدين خلال يومين
 
هلا حبو

كيفك؟؟؟

يسلمو عالخلطة

ان شاء الله اجربها واردلج خبر يا صديقتي

تسلمي

في انتضار جديدك>>

شوشة فوشية 06-19-2010 07:38 PM

رد: لبياض اليدين خلال يومين
 
وتقبلي مروري>>>>>>>>>>>>>>>>>>>>>>>>> >>>

سارة ستار 06-19-2010 11:24 PM

رد: لبياض اليدين خلال يومين
 
تعبتينا لغاية ما قلتي الوصفة
ههههههههههههههههههه
بجربها اكيد
مشكورة

bnOta Msria 06-20-2010 01:27 PM

رد: لبياض اليدين خلال يومين
 
شكرا اختى ع الموضوع


الساعة الآن توقيت السعودية الرياض و الدمام و القصيم و جدة 10:45 AM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0