ازياء - فساتين سهرة و مكياج و طبخ

لقيمات رهيبه ..... والله كل من يذوقها لازم يسألني طريقتها ولله الحمد
مقرمشه وخفيفه ... بس نصيحه تبي ثقه من نفسك انها بتصير لذيذه.. وراح تصير لذيذه

المقادير :
كوبان دقيق
ملعقه صغيره خميره
ملعقه كبيره سكر ناعم
ملح حسب الرغبه من ناحيتي احط ملعقه صغيره
3 ملاعق كبيره بودرة كاسترد
كوب ماء دافيء

الطريقه:

= يعجن الجميع بخفه وحاولي تكون العجينه مثل كثافة الكيك واتركيها تتخمر من نصف الى ثلاث أرباع الساعة
= حمي الزيت ولما يسخن خفضي الحراره وابدئي بتكوير العجينه وضعيها في الزيت مع التقليب المستمر حتى
تشقر ارفعيها وجففيها من الزيت ورشي عليها عسل او دبس التمر ......... لذيذه من جد
وبتلاقين وسط القيمات مافي شي وهي مقرمشه

طريقتي في التكوير وهذي ماعلمت فيها احد ورب الكون محد علمنياها واني من عشر سنوات وهذي طريقتي
ماشاء الله وهي انك تحطي العجينه في كيس ( يفضل اكياس الحم الخفيفه) وقصي الزاويه بحجم الكور الي تبغيها فهمتي ؟ يعني اذا كبرتي القص راح تطلع الكوره كبيره واذا صغرتيها راح تصغر وهكذا

وبتلاحظين انها بسرعه تجي معك

................ واتمنى تعجبكم

مابي شي الا دعوات بالتوفيق ......