قصة بنت تطالع واحد بعين قويه
قصة بنت كانت تطالع واحد بعين قويه
المهم الرجال طلع شاعر وما قصر فيها كم بيت عشان تتأدب لكن المفاجأه هي ؟؟؟؟ وش صار؟؟ تابع القصيدة يقول: كل شبر بهالوسيعه ملك ربي تعلمين وأعلم إن الي خلقني هو خلق لك هالعيون لكن انتي من جلستي وانتي فيني تحدقين كن ما به ناس غيري بهالكراسي يجلسون لو سمحتي عاد أسمعي وحتى لو ما تسمحين المهم الي بقوله تسمعينه و يسمعون ع الأقل ليا نظرتك سوي روحك تستحين غضي طرفك مثل غيرك خوف ربعي يلمحون الركادة عاد زينة والحياء في البنت زين وفيك جآزم لا ركادة ولا حياءٍ يذكرون تعرفيني ؟! أعرفك ؟! ماأذكر إنا ملتقين لا أعرفك من تكوني و لا تعرفي من أكون وإطمأني إن كان قصدك بس فيني تشبهين ما هو أنا إلي تعرفيه والبشر يتشابهون ما دريتي من التشابه يخلق الله أربعين وأعرف أربع يشبهنك بس والله يستحون وإن كان قصدك شي ثاني عاد قولي وش تبين خايف إنا نصير فرجة وإلي ماشتروا يتفرجون وإذا بالك عاجبتني لا يحوشك تحلمين صح ربعي من جمالك فيك صار يمدحون بس وش لي في حلاتك دام فيها ترخصين حشمة البنت وحياها والكرامة يلفتون ولو توفر فيك هذا مع حلاتك تبشرين ما هو أنا ألف غيري باب بيتك يطرقون وش علامك رغم كل الي أقوله وتسكتين مو طبيعي هالسكوت وهالبرود وهالسكون إنتي خرسا أسألك ولا منتي تسمعين؟؟ قالوا ربعي ذي كفيفة قلت لا لا تمزحون لين شفتك يوم رحتي يمسكونك باليدين ما دريت إلا عيوني أربع أربع يذرفون آه ياني منه مشهد يوم شفتك ترحلين جيت اشوف عيون ربعي لقيت الكل يدمعون يالكفيفة يالعفيفة إن قلت آسف تقبلين؟؟ يغفر الله ذنوب عبده ليا خطا وهل تغفرون؟؟؟؟ روعة الفائدة: لا تحكم بتسرع على اي شي ((ان بعض الظن اثم)) |
رد: قصة بنت تطالع واحد بعين قويه
هههههههههههههههههههههههههه صراحة روعه
يا حرام ظلمها ... يعطيك العافية يا قلبي |
رد: قصة بنت تطالع واحد بعين قويه
هههههههههههه القصيدة مرا قوية
|
الساعة الآن توقيت السعودية الرياض و الدمام و القصيم و جدة 06:38 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.