إهداء إلى العزوبيه
السلام عليكم :: سبحان من يرزق بتوع الملاين. . الرازق الي مايخيب الرجا به لي عم عنده معرضٍ للصوالين . . أموت وأعرف بس من وين جابه وإذا سألته قال بعت الدكاكين . . مايدري إني ما هضمت الإجابه الحاصل إني رحت له قبل يومين . . في قصره العامر و دقيت بابه قلت الصراحه طالبٍ قرب غالين . . ودي تزوجني كريمتك يابه ثنّى وقال أهلين والله و سهلين . . والكون ترخص لأجل عينك رقابه قال أولاً مهر العروسه ثمانين . . غير الرسوم وغير حق العصابه والثانيه عمك يبي منك سبعين . . رسم الأبوّه والنسب والقرابه وأم العروسه حقها منك ستين . . عشانها ست الحسن والمهابه وأخوانها كلٍ يبي منك خمسين . . عداً و نقداً تندرج في حسابه وخواتها الخمس عطهن من ثلاثين . . عشان تتوثق عروق النسابه وتجيب طقم عيار واحد وعشرين . . وخاتم من الماس مصفى ترابه وموتر بسواقه و فله بدورين . . أثاثها من بطرته ينحكى به وإحجز لنا قاعه بقصر السلاطين . . وإحجز بها رقاصتين و ربابه قلت اذكر الله يا عدو المساكين . . واستغفره لا يبتليك بعذابه الظاهر إنك منت عارف أنا مين . . أنا لو أرقى فوق متن السحابه ماجبت حتى نصف درزن مواعين . . واضحك بكيفك واعتبرها دعابه قال أنت لو فكرت تفكير صاحين . . ماشفت في مجمل ظروفي غرابه حنا بعصر العولمه والمزاين . . ماهوب بعصر الفلسفه و الخطابه الناس تسعى للرتب و النياشين . . وأنت إهتمامك بالشعر والكتابه والشعر ماينفعك لو هو دواوين . . مادام جيبك مثل بيت الخرابه يابوك لا تسمع كلام المصاخين . . واسأل مجرب عاش في وسط غابه قلت الله أكبر يا محرر فلسطين . . من يسمعك يحسبك ذيب الذيابه تراك شايب راس مالك ريالين . . والبنت ماتسوى جناح الذبابه قال انقلع مالت على وجهك الشين . . لاعاد أشوفك عندنا يالزلابه قلت ابشر ابشر لكن الباب من وين . . وأقفيت من عنده على صوت بابه :rmadeat-a52ff53d67::rmadeat-a52ff53d67::rmadeat-a52ff53d67: |
رد: إهداء إلى العزوبيه
مشكوؤوؤوره يعطيك العافيه
|
رد: إهداء إلى العزوبيه
يسلمو
|
رد: إهداء إلى العزوبيه
أسعدني تواجدكم
دمتم بود |
رد: إهداء إلى العزوبيه
|
الساعة الآن توقيت السعودية الرياض و الدمام و القصيم و جدة 03:39 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.