ازياء - فساتين سهرة و مكياج و طبخ

خسارة كل شي اقفى ومات الورد والريحان
..وصار الجرح الأول في الحياة يشابه الثاني..

خسارة كل غيمة في السما ما تروي العطشان
..خسارة يالغيوم الصفر وش جبتي علشاني..

انا من يوم ميلادي وانا عارف انا الخسران
..ولكن حكمة الله في الحياة ارضى بما جاني..

انا الي جيت للدنيا كذا ما جيتها ولهان
..لقيت اني على جمر السنين الحمر وحداني..

انا والهم والوحده على طول السنين اخوان
..على الحلوة وعلى المرة على صوتي على الحاني..

انا جرحي حفظته في دروج السر والكتمان
..وفجر داخلي عالم يحاول يقطع لساني..

انا الي كان صدري للخيول الجامحه ميدان
..وانا الي طيبتي كانت شعور للهمس وجداني..

انا الي كنت غافل لين جتني طعنة الشريان
..نزفت العمر كله لين ضاعت قوة ايماني..

ترى طعنة قريبك لوصلت ياشينها بركان
..وانا الي طاح صدري في يدي وانهزت اغصاني..

تغير كل شي عندي وانعدمت الألوان
..وصار الون الاسود من هنا اسمي وعنواني..

انا المجروم وانا الي ما قتلت بداخلي انسان
..قتلت الحب والطيبة بعد ما شفت نقصاني..

انا الحاكم وانا الظالم وانا عالم من الحرمان
..ومن يدخل محيط الحزن يبشر بي ويلقاني..

انا الي خافقي مسجون واحساسي هو السجان
..وضاع العمر مني ما قدرت اقبض على الجاني..

انا عالم غريب وعالمي ما يسكن النسيان
..عجزت انسى جروحي والزمن يسعى لنسياني..

كفاية ما كتبته من وهم عمري على الجدران
..كتبت آخر قصيدة بالدم في صدر حرماني..