ازياء - فساتين سهرة و مكياج و طبخ - أقول تخسي انت وجهك هذا الي ناقص بعد

خسيت لعنبو جدك خسيت والغلط ينعاب
خسيت واقلب وجهك وانقلع ولاكلمة ولاجابة
خسيت وألزم حدك تراها ضاعت الاداب
انا لاطاشت جنوني يعرف الجاهل ادابه
وش المغزا من الكلمه بلا داعي بلا الاسباب
وهرج الكذب والتجريح قولي وشهي اسبابه
انا الشرهه علي اني فتحت لخافقي كم باب
ولكن مثل ماجيت !!! ترا كبر الجمل بابه
خذ نفسك معك برا ؛ ثم انقلع بدون إياب
فمان الله ؛ والا اقول :: فمان ابليس واصحابه
تحسبني على فرقاك ابندم واغرق الاهداب
انا مبسوطه يوم اني ؛؛ طردت الشوم وغرابه
انا ما اعاشر الخاين ولا اسمع هرجة الكذاب
ومثلك قيمته عندي تحت الزيرو حسابه
هذاك اللي تحبينه ؛ حقير و خواني ولعاب
عاجبك ان قذلته شقراء ويميّل بالشعر كابه
صحيح انه حقير و زين وشكله للنساء جذاب
تشّبه بأخته فلانه ؛؛ ومنها الدم متشابه
وانا مانيب حرف الجر ؛؛ تجره على الاعراب
انا حرف(ن) جزم نفسه ؛ ومثلي يصعب اعرابه
تشوم النفس عن زينك عقب ماطاح فيها ذباب
وانا حره وبنت حر ؛؛ تركت الزين وذبابه
انا يافلان من قوم(ن) لهم فوق الفخر محراب
انا من روق ياخبل وقومي الهيله ( عتابه )
ترى بدري على مثلك تعيب وساسه معياب
ياليت الي يعيبني ؛؛ يحاول يستر ثيابه
انا لاجتني الزله ؛ من الجاهل وهو كذاب
تركت القافله تمشي ؛؛ وراها تنبح كلابه
وانا اذا من كشفت ان الخوي اصبح لسانه داب
نزعت السم من عرقه وكسرت بمخلبي نابه
خلاص اليوم يافلان ؛ كرهتك والقلوب غراب
وترى كل طير(ن) بكبد السماء يشبع مخلابه
خساره مثلك بقلبي تضمه غرفة الاحباب
وخساره غلطة العاشق ؛ يحطك اول احبابه
بعد هذا تبي ارجع لاجل عينك نصير اصحاب
خسيت واقلب وجهك وانقلع ولا كلمه ؛ ولاجابه