جو رومنسي
 

> القصة التانية :
>
> خيرية تشكي من راجلها قالت
> : مرة خطرتلي فكرة حلوة ... وقلت
> خللي نشري لراجلي هدية
> قنينة ...
>
>
> المهم قول إشرتله نقال
> ولفاته فى غلاف حلو وكتبت من داخل
> ورقة صغيرة مكتوب فيها .. إنحبك ومش
> عارف شنو تاني ...
>
>
> ولما عطاته الهدية خداه
> وفتح الغلاف ومزقه .. ومزق معاه
> الورقة الي داخل وقاللها : بقداش
> شريتيه الموبايل هادا ....
>
> قالتله : ب300 دينار ...
> قاللها : زلبحوك يا
> درويشة ... هدا حقه 50 دينار ..
> المسكينة جاها إنهيار عصبي ...
>
>
> التالتة
>
> سالمة قالت : مرة خطرلي
> بندير جو رومنسي مع راجلي ...
> فشريت شموع ولعتهم فى دار
> النوم
> ...
>
> وأول ما روح مسعود راجلي
> وخش دار النوم .. عفس علي وحدة من
> الشموع برجليه .. وعيط عيطة قوية ...
> وشرينها كف
> ...
>
> وما خلا ما قالها من كلام ...
> وليوم قاعدة فى حوش بوها .... تستاهل ... ماهو
> حرقتله رجليه ..
>
>
> الرابعة
>
> حكاية رجاء مع راجلها
> أبوعجيلة ...قالت : مرة خطرلي بندير
> سهرة رومنسية ... وشرت
> عشي مدندن من المطعم ...
>
> وبعد ما وت الدار ولعت
> الشموع وطفت الضي ورقدت الصغار ... روح السي
> ألبوعجى ...
>
> وطول طاح فى هادكا العشي ..
> وبعد ما عبا بطنه وإستمخ .. انبطح
> على ظهره وقاللها : نوضى الفروخ
> خللي يجوا ياكلوا ....
> وه وه
>
>
> الخامسة
>
> حكاية سعاد مع راجلها جمعة
> ... قالت : مرة سمعت بفكرة رومنسية
> حلوة وهيا نثر الورود على سرير
> النوم
> ...
>
> المهم قول دارتها ... ولما
> روح جمعة من العمل فى اليل مشى
> رقد فى المربوعة طول
> ...
>
> قالتله : علاش سيبت سرير
> دار النوم ورقدت هني ؟؟؟ قالها كيف
> بنرقد وانتي معبية السريرعشب ...
> تحسابيني خروف ولا شني
> ...
>
> على أساس مش زابط بين الورد
> والعشب ؟؟
>
>
> السادسة
>
> حكاية فتحية مع راجلها
> فتحي ... حتي هيا قالت : مرة خطرلي
> بندير سهرة رومنسية ... ونشغل شريط
> موسيقي حلو
> ...
>
> ونرقص أنا وراجلي هاديكا
> الرقصة الي يحطوا الراجل والمرا
> إيديهم على ظهور بعض ...
>
>
> المهم.... نفذت الفكرة وحطت
> شريط موسيقي سلو ... وأول ماحطت
> إيدها علي ظهر راجلها فتحي ...
>
> قاللها : إيه إيه بالله
> عليك أرفعي إيديك فوق شوية وحكي ....
> لالالا تحت شوية ... لالا فوق
> عالكتف .. بالقوة أكتر ....؟؟؟
>
>
> قالت : فكرت نجيب الخباشة
> ونعطيه بيها على ظهره باش معاش
> يعاوده
>

رد: جو رومنسي
 

تسلمى

رد: جو رومنسي
 

مشكوره

رد: جو رومنسي
 

هههههههههههههههههههههههههههههه هههههههههههههههههههههه
ربي يسعدك

رد: جو رومنسي
 

أفهم من كده بلاها الجو الرومانسى خالص هههههههه
لحسن نيجى نكحلها نعميها ههههههههههه