ازياء - فساتين سهرة و مكياج و طبخ

:

:

على درب المسافه والعهد امشي دروب وساع
اصافي قلب يحفظ لوعة العشاق من ... ذاته

تحكم في ضمير الحب نبضٍ يجبره ويطاع
يسيره الجنون لصادق المشتاق .. بسكاته

حداه الحب والأخلاص و قلبٍ صادقٍ ملتاع
يعانق نبض من حبه يحس بكل لوعاته

يجازي من يجازي نبضه الملهوف والمنزاع
ويروي من زلال العشق مايحضر بحزاته

تلازم سير دربه بالهوى في سكته وان ضاع
تعاهد ما يكون بسكة العاذل وشماته

على رغم الطريق ورغم دمع العين والأوجاع
جزاني وقتي المسروق في لحظات ... غفلاته

حقيقه ماخذيت من الزمن شيءٍ يسد جياع
وانا اشهد مابقى لي قلب يشفع لي ... برداته

لك الله ياخفوقٍ مالقينا من يرد الصاع ..!!
لك الله من ظروف الوقت وان كثر بصكاته

تصبّر ياخفوقي وانت دايم ما تضيق بساع
يجي للوقت يومٍ يجبره ويرد .. ميلاته

طلبتك وان طلبتك ماطلبت إلا الصبر فزاع
طلبتك وان طلبت الحرف هذي اخر اوصاته

:

: