ازياء - فساتين سهرة و مكياج و طبخ - الدمعه الي تكابر في طرف عيني

- ادب و خواطر (https://fashion.azyya.com/40)

- - الدمعه الي تكابر في طرف عيني (https://fashion.azyya.com/167926.html)

الدمعه الي تكابر في طرف عيني

الدمعه الي تكابر .. في طرف عيني .!
يردها ( الموق ) بس ( الجفن ) ,, حدرها .!!

سمعت صوتك مع العالم .. يناديني .!
وازريت لا ردها .. بالعين واسترها .!!

وصديت ماودي ان الناس .. توحيني .!
مثلي يموت ودموعه .. صعب ينثرها .!!

ويخنقني البوح .. بس القلب يعصيني .!
ويبقا بوسط الصدور .. وفي خواطرها .!!

والحزن لوني خفيته .. واضح ٍ فيني .!
ورد على القلب .. والفرحات صدرها .!!

والبسمه الي تبيني .. بس تخطيني .!
متى على الله .. يجيها يوم واظهرها .!!

ألآحي الورق .. مدري هي تلاحيني .!
اوَن وتسجع .. و وناتي تكرها .!!

لبيه يا ذكرياتي .. واجمل سنيني .!
ويا قصة ٍ عايشه لو مات .. آخرها .!!

وين انت ي/ اول غرامي .. يا معنيني.!
وين انت ي/ اغلا ذنوب القلب .. واطهرها .!!

اصحا وطيفك .. معا زولي يباريني .!
وارقد واشوفك .. مع احلامي تباشرها .!!

مدري تناسا غصَب او انت .. ناسيني .!
ومدري عهودك وش الي صدق .. غيرها .!!

واليوم .. وينك ب/ هالدنيا .. وانا ويني .!
طالت ليال الفراق .. ب/ عين ساهرها .!!

كم قلت ( توبه ) .. ترا ما عاد تعنيني .!
ان جات ل/ النفس .. نفسي يمكن اقدرها .!!

واليا اظلم الوقت .. هوجاسي يسريني .!
ويضيق صدري .. و كل ايامك اذكرها .!!

وتبيني .. انسا .. وانا ما عاد يمديني .!
لو شفت حالي .. قسم بالله تعذرها .!!

اصبَر الحال .. في قولة ب/ ياتيني .!
وانا ادري اني .. ابطي .. لو اصبرها .!!

وقصايدي في غيابك .. ما تسليني .!
لو تطرب الناس .. تشكي جرح شاعرها .!!

والنفس تشكي زمان ٍ .. صدق مشقيني .!
حتى انت ي/ اغلا البشر .. تبعد وتحقرها .!!

والدمعه الي من الوحده .. تواسيني .!
إلي من آخر لقا .. بالله خابرها .!!

شفها تكابر وترجف .. في طرف عيني .!
ولاني عقب شوفتك يالزين .. ذاخرها .!!