ازياء - فساتين سهرة و مكياج و طبخ

مابيك تستغرب إذا قلت مابيك

قلبي من الي صار غير كلامه

تدري وش الي حدني يوم اناديك؟

بودعك واقول معا السلامه

بودعك وانسى زمان كوماضيك

وداع من ذاق الجفا والملامه

لكن , ودي أسألك قبل اخليك

وابيك تعطي للسؤال إهتمامه

في ذمتك , وشلون غيرتني فيك !

وخليتني استغرب غلاك ونظامه؟

وانا عشانك كل ما تطلب يجيك

رفعتلك هامه ونزلت هامه

ماعاد لك في داخلي حي يبكيك

صدري قِبَر كل الحواس بعظامه

اغليك ! صح , انا اشهد إن كنت اناغليك

والحين راس المال منك السلامه

لا تقول ليه ؟وكيف ؟ وشلون ؟ وشفيك ؟

ماضيك يعطيني لبكره علامه

ماودي اضيع حياتي بأياديك

دام إن من عزك تنزل مقامه

غلاك ماعلمك تكسر تغليك ؟

وغلاي اثبتلي الوفاوالشهامه

كافي نضيع وقتنا في بلاويك

ما يرجع الي راح كثر الندامه

وإن ضاقت الدنيا بزحمة طواريك

اليل الاسود مايطول ظلامه

والحين تعرف ليه انا قلت (مابيك)

وقلب ٍ يحبك ليه غير كلامه

ودعتك الله لاتجيني ولا أجيك

ولاعاد تسأل خاطري وش علامه

ولاتنصدم من بسمتي يوم احاكيك

احيان تلقى بالجريح إبتسامه !