حالتي ميؤس منها ارجوا المساعده
السلام عليكم ورحمه الله وبركاته تكفون اقرو كلامي للأخير > مدري هذا القسم المناسب ولا لا< انا طالبه خلصت المرحله الثانويه هالسنه وانقبلت بالجامعه الحمدلله مع ان نسبتي مو عاليه بس بسبب دعاء امي لي واستغفاري كل يوم الحمدالله انقبلت لكني انقبلت انتساب انا كنت حاطه بالي ان بالمكافئه الي بستلمها بالجامعه بتتحسن حالتنا بساعد امي بمصاريف البيت لكني انقبلت انتساب مايعطوني مكافئه الا لما يحولوني انتظام امي مطلقه من ابوي وانا واختي عايشين عند امي بأحد احياء الرياض القديمه امي ساكنه مع خالي بس انه مايشتغل لانه فيه السكر يرتفع مره او ينخفض مره كما اشتغل فصلوه بسبب تعبه واغمائه الدايم وغير كذا فيه حاله نفسيه الله يشفيه يارب فتحله محل كسب بالبدايه وشرالنا هالجهاز لي ولأختي لأننا نحتاجه كثير للمدرسه تعابير وبحوث وغيره وحرم نفسه عشاننا وبعدها ماكسب لا قدر يدفع ايجار المحل وتركه وابوي مايصرف علينا المشكله انه دخل واحد من عياله من زوجته الثانيه مدرسه اهليه واحنا والله الشاهد على كلامي ان اخر مره عطانا مصروف كان بشهر 3 او 2 مو متأكده والحين احنا بشهر 8 وجاي رمضان والعيد عطانا 200 و5 ريال حسيت انها اهانه سجلت امي بالضمان الاجتماعي بس كلها 800 بس والله ماتكفي لمصاريف البيت لانها تصرف علينا انا واختي وعلى خالي والحين قطعو ضمانها قالو لازم تجديد عطوها موعد بعد شهرين تراجع وغير كذا امورنا مره متعسره حتى الجمعيات رفضو يعطونا لان ابوي ماعطا امي صك اعاله قلناله اكثر من مره رفض مدري ليه ولا يبي يصرف علينا وصار مايرد اذا دقينا ابي اقوله ان الجامعه قبلوني مارد حتى لما نجحت دقيت مارد ثم ارسلت رساله ماشفت منه لامبروك ولا شي وربي متضايقه حتى وربي بعض الايام ننام واحنا جوعانين مانلقى شي ناكله او ناكل فطيره لوزين وعصير سنتوب ومانام الا ودمعتي على خدي والحين مدري كيف بروح الجامعه وانا ماعندي ملابس تليق للجامعه ومدري كيف بشتري الدفاتر والشنطه واختي بالثانوي تبي مريول واغراض للمدرسه ابوي سحب يده بالمره وامي انقطع ضمانها ولا في جمعيات تساعدنا تكفون الله يجزاكم خير صح اني طولت بكلامي بس والله من القهر طلع هالكلام كله الي يقدر يساعدنا جعله بميزان حسناتكم الحين جاي رمضان وبعده العيد وربي حتى برمضان مايجونا فاعلين خير وحده من جارتنا الله يجزاها خير وصت فاعلين خير انهم يعطونا مقاضي بس دايم يغلطون بالبيت او يرنون الجرس ويرحون بسرعه مايمدينا حتى نقول مين او نلبس عباياتنا عشان نفتحله تكفون ياهل الخير وربي لأدعي للي ساعدن ليل ونهار الله يجزاكم خير وجعله بميزان حسناتكم ويشفي مرضانا ومرضاكم الي يقدر يساعدنا او يوصي فاعلين خير يساعدونا بالي يقدرون واسفه لاني طولت بالكلام وادعولنا ان ربي يسر امورنا انتظر الرد |
الساعة الآن توقيت السعودية الرياض و الدمام و القصيم و جدة 11:33 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.