نصائح "شوشو الشقيه" لشراء البرفان المناسب
http://photos.azyya.com/store/up2/080829180049EIuq.jpg
الموضوع حصري جدا وارجو منكم التثبيت موضوع بيهم ناس كتير هو موضوع البرفانات والعطور وده لأن الفترة اللي فاتت جات لي أسئلة كتير حول الموضوع ده بالذات... علشان كده هاخصص حلقة الأسبوع ده علشان أجاوب فيها على كل الأسئلة اللي بتدور في دماغهم... http://photos.azyya.com/store/up2/080829180049JaX5.jpg العطور أنواع كتير أول حاجة لازم نعرفها إن العطور أنواع كتير قوي فيه منها "العطور الخفيفة"، وفي "العطور المركزة"... وده هنقدر نعرفه بإننا لما نشتري أي زجاجة برفان نقلبها على ظهرها ونشوف مكتوب عليها إيه؟! فلو كان مكتوب عليها "Perfume" فده يعني إن زجاجة البرفان دي فيها عطر مركز جدا وإن رائحته هتدوم أكثر من 12 ساعة تقريبا ومعنى كده إننا ناخد بالنا وأحنا بنحطه لأن رشة واحدة منه هتملى الدنيا. أما بقى لو كان مكتوب عليه "Eau de perfume" فده معناه إن البرفان ده مش مركز قوي وهيدوم لمدة 8 ساعات.. لكن لو كان مكتوب عليه "Eau de toilette" فده معناه إنه برفان خفيف ورائحته هتدوم لمدة 4 ساعات. أما لو كان مكتوب عليه "Eau de cologne" فده معناه أنه برفان خفيف ومش بيدوم أكتر من ساعتين وده بيكون مناسب جدا للناس اللي مش بتحب البرفانات اللي ليها رائحة قوية. إزاي تشتري البرفان http://photos.azyya.com/store/up2/080829180050jJkg.jpg فيه حاجات كتير قوي لازم ناخد بالنا منها وأحنا بنشتري البرفان وهي.. وقت الشراء أنسب وقت ممكن أننا نروح نشتري فيه البرفان هو بالليل وبلاش نروح نشتري بالنهار.. وده لأن حاسة الشم بتبلغ قوتها عند الإنسان بالليل أكتر من النهار وبالتالي هنقدر أننا نحكم على رائحة البرفان كويس. نشم على مسافة 5 سم لو رايحين المحل ومفيش في دماغنا نوع معين من البرفان ناويين إننا نشتريه يبقى مفيش أي مشكلة من إننا نطلب من البائع إنه يسمح لنا أننا نشم البرفان الأول قبل ما نشتريته.. وده عن طريق أنه يرش البرفان على الأوراق المخصصة لتجربته أو على غطاء الزجاجة ويكون بينا وبين الأوارق دي أو الغطاء ده مسافة حوالي 5 سم علشان نقدر نحكم على رائحة البرفان كويس. بلاش رش البرفان على الملابس في غلطة كتير منا بيقع فيها وهي إنه بيرش البرفان على ملابسه علشان يجربه ودي حاجة مش صح بالمرة لأن بكده مش بيقدر إنه يشم رائحة البرفان كويس كمان رش أكتر من نوع من أنواع البرفان بيخلي من الصعب تحديد أي نوع إحنا عايزين. وكمان بلاش رش البرفان على إيدينا من الحاجات الغلط اللي بنعملها واحنا بنشتري البرفان أننا بنرش البرفان علي إيدينا علشان نشم رائحته ودي حاجة غلط لأننا ممكن يكون عندنا حساسية تظهر مع رش أكتر من نوع برفان على جسمنا. بين كل نوعين خد راحة 5 دقائق ياريت وأحنا في المحل ما نحاولش نجرب أنواع كتيرة من البرفانات وده علشان نقدر نحكم كويس على البرفان.. ولو كنا محتارين وهنجرب أكتر من نوع من أنواع العطور يبقى ممكن أننا بعد كل نوعين نخرج من المحل لمدة 5 دقائق ونرجع تاني وده علشان نقدر إننا نحكم كويس على الرائحة الجديدة.. وفي حاجة حلوة قوي أنا باعملها لما أكون رايح أشتري برفان وهي أني باخد معايا "كيس بن" أو "حبوب بن" ودي علشان أشمها بعد كل نوع برفان أشمه وده طبعا علشان أقدر إني افصل بين كل نوع والتاني من البرفانات اللي أنا بشمها وده لأن القهوة والبن ليهم ريحة نافذة هتغطي علي ريحة البرفان. إزاي نحط البرفان أفضل وقت لوضع البرفان هو بعد الاستحمام مباشرة، وده لأن الجلد في الوقت ده بيكون نظيف والمسام مستعدة لاستقبال المادة العطرية وياريت ما نحطش مزيل العرق في الأماكن اللي هنحط فيها البرفان.. أحسن طريقة لوضع البرفان هي أننا نبدء بوضع البرفان من الأسفل إلى أعلى، لأن الرائحة العطرية تصعد إلى الأعلى. عايز كمان أقول لكم على حاجة إني ما بافضلش أننا يكون عندنا أنواع كتيرة من البرفانات كفاية قوي ثلاث أنواع من البرفان بس تكون من الأنواع الكويسة المعروفة لأن الأنواع غير المعروفة ممكن أنها تسبب لبعض الناس حساسية في الجلد أو حساسية في الجيوب الأنفية. كمان أنا بافضل إننا نجدد في استخدامنا لريحة البرفان وبلاش نثبت على ريحة ثابتة مميزة. http://photos.azyya.com/store/up2/080829180051tTQb.jpg إزاي نخلي ريحة البرفان تثبت؟! لو عندنا برفان وكل ما نحط منه نلاقي إن ريحته بطير على طول ومش بتثبت فده ليه حل حلو قوي وهو أننا نقفل زجاجة البرفان كويس قوي ونحطها في الفريزر لمدة أسبوع وبعد كده نطلعها ونحطها لمدة أسبوع كمان في مكان مظلم وليكن مثلا في الدولاب بين الملابس وبعد كده نطلعها ونستخدمها هنلاقي إن ريحتها بقت بدوم أكتر من الأول بكتير.. إزاي نحتفظ بالبرفان لأطول وقت ممكن؟! لو كنتي عروسة وبتجهزي وعايزة تجيبي برفان وتشيليه لغاية ما تتجوزي يبقى اشتريه وشيليه زي ما هو كده في علبته الكرتون في مكان مظلم وليكن مثلا بين ملابسك وبلاش تطلعيه نهائي لأن العطور بتفسد من الضوء والهواء... |
رد: نصائح "شوشو الشقيه" لشراء البرفان المناسب
واو فعلا معلومات حلوة وباين متعوب عليها
يسلمو شوشو يستحق التثبيت |
رد: نصائح "شوشو الشقيه" لشراء البرفان المناسب
معلومات جميلة
مشكورة شوشو |
رد: نصائح "شوشو الشقيه" لشراء البرفان المناسب
تسلمين حبيبتي
|
رد: نصائح "شوشو الشقيه" لشراء البرفان المناسب
يسلمو حبيبتي
|
رد: نصائح "شوشو الشقيه" لشراء البرفان المناسب
موضوع جامد أوى و مفيد
[IMG]rere2265[/IMG] |
رد: نصائح "شوشو الشقيه" لشراء البرفان المناسب
شكرا
|
رد: نصائح "شوشو الشقيه" لشراء البرفان المناسب
شكرا ليكوا ولمروركم
|
رد: نصائح "شوشو الشقيه" لشراء البرفان المناسب
مرسي حبيبتي ياريت تساعديني اكتر ارجوكي انا عروسة عايزة اعرف انواع برفانات كويسة ياريت تساعديني
|
رد: نصائح "شوشو الشقيه" لشراء البرفان المناسب
شوشو والله معلومات قيمة وانا استفادت منها كثير والله مشكورة غاليتى
|
رد: نصائح "شوشو الشقيه" لشراء البرفان المناسب
شكرا ع المجهود يا شوشو فعلا معلومات مهمة
|
رد: نصائح "شوشو الشقيه" لشراء البرفان المناسب
ميرسى كتييييييييييييييييييييييير يا شوشو وانا شخصيا بتعجنى موضوعاتك جدا
|
رد: نصائح "شوشو الشقيه" لشراء البرفان المناسب
ميرسى كتييييييييييييييييييييييير يا شوشو وانا شخصيا بتعجبنى موضوعاتك جدا
|
رد: نصائح "شوشو الشقيه" لشراء البرفان المناسب
يسلملي مرورك وكلامك الحلو ياعسل
|
رد: نصائح "شوشو الشقيه" لشراء البرفان المناسب
شكرا ع المعلومه القيمه
|
رد: نصائح "شوشو الشقيه" لشراء البرفان المناسب
يسلمو يا قمر ع النصايح الجنان
|
رد: نصائح "شوشو الشقيه" لشراء البرفان المناسب
شكرا شوشو نصائح حلوة
|
رد: نصائح "شوشو الشقيه" لشراء البرفان المناسب
نصائح مفيدة فعلاً
يس أنا سمعت ان رائحة العطر بتختلف من جسم لاخر. |
رد: نصائح "شوشو الشقيه" لشراء البرفان المناسب
معلومات جميلة
|
رد: نصائح "شوشو الشقيه" لشراء البرفان المناسب
|
رد: نصائح "شوشو الشقيه" لشراء البرفان المناسب
انا جديدة الموضوع كتير حلو ارجو التعليق على موضوعى انا zzz
|
رد: نصائح "شوشو الشقيه" لشراء البرفان المناسب
يعطيكـ العافيهـ يسلموووووووووووووو
|
رد: نصائح "شوشو الشقيه" لشراء البرفان المناسب
سلم أيديك حبيتى وانا أستفدت كتير من نصايحك لاأن رحت وأشتريت برفان جديد ونصيحتك جيت فى وقتها
|
رد: نصائح "شوشو الشقيه" لشراء البرفان المناسب
شكرا ليكى شوشو تسلم ايدك
|
رد: نصائح "شوشو الشقيه" لشراء البرفان المناسب
شكرا على النصائح |
رد: نصائح "شوشو الشقيه" لشراء البرفان المناسب
شكرا حبيبتي
|
رد: نصائح "شوشو الشقيه" لشراء البرفان المناسب
[QUOTE=shosho.ahmed;246356][IMG]
تشكرررى ع النصائح الغالية |
رد: نصائح "شوشو الشقيه" لشراء البرفان المناسب
ياريت تقوليلي ع بعض أسماء البرفانات المميز ة والتي تحبينها
|
رد: نصائح "شوشو الشقيه" لشراء البرفان المناسب
تسلمي حبيبتي ع الموضوع عن جد استفدت كتييييير ميرسي
وربنايجعله في ميزان حسناتك |
رد: نصائح "شوشو الشقيه" لشراء البرفان المناسب
معلومات رووووعة.. مشكووورة حبيبتي.. |
رد: نصائح "شوشو الشقيه" لشراء البرفان المناسب
نصايح فعلا مفيده
تسلمى |
رد: نصائح "شوشو الشقيه" لشراء البرفان المناسب
معلومات مفيدة جزاك الله خيرا
|
رد: نصائح "شوشو الشقيه" لشراء البرفان المناسب
يسلمووووووووووووووووووووو يااااعسل على الموضووووووووووووع الحلوووووووووووووووو
|
رد: نصائح "شوشو الشقيه" لشراء البرفان المناسب
هااااااااااااااااااااااااي بنات ....................
شخباركم؟؟ |
رد: نصائح "شوشو الشقيه" لشراء البرفان المناسب
:0149:صراااااااااااااااااحه المووووووووووضوع مرررررررررررررررررره حلو ومفيد واستفدت منه اشياء ماكنت اعرفها
مشكوووووووووووووووره خيتو:11_1_207[1]: |
رد: نصائح "شوشو الشقيه" لشراء البرفان المناسب
الف شكر على المعلومات القيمه
|
رد: نصائح "شوشو الشقيه" لشراء البرفان المناسب
الله يعطيك العاآآفيه
كنت هنآآآ قمر حياتك |
رد: نصائح "شوشو الشقيه" لشراء البرفان المناسب
مشكورة حبيبتي
|
رد: نصائح "شوشو الشقيه" لشراء البرفان المناسب
مشكوره على المعلومات
|
رد: نصائح "شوشو الشقيه" لشراء البرفان المناسب
تسلمي ولكن الباعة لاتنتظر تريد أن تنهي عملية الشراء بأسرع وقت ولايهمه شيء |
الساعة الآن توقيت السعودية الرياض و الدمام و القصيم و جدة 11:36 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.