ازياء - فساتين سهرة و مكياج و طبخ - حلى الكاسات صورتة بالشكل النهائي

السلام عليكم هاي بنات شخباركم جبت لكم حلى روعة

انا دخت بين الطرق وانا اجرب..بس مثل هالطريقه ماشفت روعه..

سهله وماتخربطين فيها أبد وتواجه عند الضيوف شي حلو وراقي والله

وهي للأخت الصبار من هالمنتدى الرائع..

المقادير:

كل المقادير اخلطيها بالخلاط الكهربائي..مادري وش تسمونه حق الطماطم..

1 علبة بسكوت أولكر مطحون العلبه الكبيره (175 غرام)
1 كأس ماء
1ظرف دريم ويب
1ظرف كريمه (الي هو كريم كراميل)
1فنجال قهوه حليب بودره
3ملاعق كبيره شوكولاته نوتيلا
1ملعقه صغيره نسكافه
شوي قرفه

اخلطيهم كلهم جيدا وبعدين جيبي كيك سويسرول امريكانا الصغير بالشوكولاته وقطعي كل كيكه

ثلاث قطع وجيبي الكاسات الصغيره..((انا اشتريتها من أبو ريالين))..حطي كل قطعه بكاس

يعني كل كيكه راح تكفي ثلاث كاسات وصبي الخليط فوق الكيك وبعد كذا تفني في التزين..

اما انك ترشين الوجه بفليك مثل الي بالصوره لأنه هو الي كان متوفر..

او تغطين الوجه بكوكوبفس((تعرفونه الكورن فليكس الي بالشوكولاته)) وتحطين فوقه نعناع

يطلع شكله كأنه نبات صناعي شكله روعه..

او انك تطحنين بسكوت اوريو وتحطينه على الوجه..

تفني انتِ عاد بالتزين..وبرديه في الثلاجه وقدميه..لو ترصينهم بصينيه خشبيه يطلعون روعه..

وهذي صورته..وبالهناء والعافيه..