محتاجه دعائكم =
السلام عليكم و رحمة الله و بركاته :0108:
بنات بليز مابغي غير دعواتكم و مساعدتكم ... !! أنا بنت عايشه ف عائله دوم فيها مشاكل كل يوم مشكله والله تعبت و حالتي حاله أول شي عن نفسي الحمدلله اهلي ما يتضاربون معاي بس مع اختي =( ابوي نادرا ما يكون انسان هادي و متفهم و دوم يشك ف اختي بس و امي و الله امنيتي من أول مانولدت انه يمر يوم و ماتسوي فيه مشكله , و الله صدقوني لا اتقولون اني ابالغ لا أنا ما أبالغ و الله جد كل يوم مشكله و احين اختي قاعده اتصيح ف الغرفه ... امي حرمتها من الطلعه من البيت شهر كامل و هي ما تطلع الا مع أهلنا !! يعني مع خالاتي الكبار المتزوجات و عندهم عيال و مع بنات خالاتي الي ف عمرها و بس باقيلهم سنه و يدخلون الجامعه !! و امي حارمتنها من الطلعه ! و اخوي ايشك ف اختي ايقول انها تطلع من البيت عشان الشباب !! بس و الله صدقوني اخت نيتها صافيه بس تطلع مع الأهل ! و انا كم مرة طلعت معاها و مع خالاتي و لا مره سو شي غلط ! و دوم صراخ ف البيت و امي و ابوي يتضاربون بسبب اختي و اختي اتصيح كل يوم و امي ابدا ابدا ما تفهم ابدا و الله اتسوي مشكله على اتفهه الاشياء و الله لو قلتلكم ع شنو اتسوي مشاكل بتيودون راسكم !! المهم انا ما بجلس اقولكم لأنه كل واحد عنده مشاكله الخاصه بس ابغي دعواتكم بليز اترجاكم ادعو الله يساعدنا @_@!! و مشكورين أشهد ان لا اله الا الله و اشهد ان محمد رسول الله ~ |
الساعة الآن توقيت السعودية الرياض و الدمام و القصيم و جدة 01:53 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.