ازياء - فساتين سهرة و مكياج و طبخ

- ادب و خواطر (https://fashion.azyya.com/40)

- - قلم رصاص (https://fashion.azyya.com/178756.html)

فيه كلام بيكتب بالرصاص
و فيه رصاص بيكتب الكلام
ماهو فى هذا الزمان.....
المسدس بقى أخو الأقلام
الحرف الى مايصيبش..يدوش
و الكلمه الى ماتقتلش تفرش
طريقنا بالشوك والحزن والألام
.......
فيه كلمه بتكوى....وكلمه بتشكى
و كلمه زى السيف..
و كلمه زى النار تشوى..
.......
فيه كلمه بتقطع .. تقطيع
وكلمه بتوجع .. وجيع
وكلمه عاصيه ما تطيع
وكلمه من طين... وكلمه من عجين
وكلمه رجاله...وكلام نساوين
........
فيه كلمه بتدبح....وكلمه بتمدح
وكلمه بتريح.... وكلمه بتفرح
وكلمه طايشه ما تصيب
وكلمه قناص......
وكله مكتوب بالرصاص
ماهو فى زمن الكلام...
المسدس بقى أخو الأقلام

رد: قلم رصاص

رأيت حروف من ذهب
رأيت كلمات من الماس
حروف تصارع نفسها لتكون في المقدمة
بوح راآآآئع كروعتك
واحاسيس جميله
رغم قسوة الحرف فيها
دمتي بخير
https://iraqnaa.com/ico/image2/f/n/ros044.gif
تقبلي مروري البسيط
آبار

رد: قلم رصاص

مشكوره يا ابار

رد: قلم رصاص

اية الروعة دي كلامك طالع من القلب وصل للقلب بجد تسلم ايدك في منتهي الروعة