ازياء - فساتين سهرة و مكياج و طبخ - التدخينْ..[رجُولة] ولا [هياط]..

مساكم معطر جو<-- عشان تضيع ريحة الدخان

في كل الأفلام والمسلسلات الي نتابعها سواء كانت عربية أو اجنبية لازم يكون بطل المسلسل وآطلق وآحد فيه ... مُدّخن !
طبعا هالشئ ضروري عشان تكتمل الشخصية الامبالية..أو الرجولية..أو العصبية ..أو أي شخصية في خيال المؤلف
قبل فترة انتشر في اغلب المنتديات مواضيع لصور شباب وبنات يدخنون
معدلين عليها ومضبطينها ، وكلن يرد شكرا ويعطيك العافيه .. والمواضيع تتثبّت وتروح المميزه !
الي بقوله انه صار السيجار من أساسيات التميز ..
تبي تخق العالم ؟ بس دخّن
دعايات العطور ، الفنانين ، الاعبين .. كل أبو شئ متعلق بالتدخين له هيبته وأحس يصير ملفت في نظرنا
بغض النظر عن كون المدّخن شاب أو فتاة .. هو بلوى والله يفك الي طايحين فيه منه

عن نفسي..
ممكن أتقبل التدخين من شاب .. بس مستحيل أتقبله من أنثى
وفي الفترة الأخيره البنات طايحين في الدخان بشكل مو طبيعي مع ان منظر البنت المدخنه جدا مقز ويفقدها انوثتها هذا غير عن انه يسبب العقم ويغير لون البراطم (الشفاه في قول آخر)
وهالشئ انتشر بين البنات لدرجة إنه صار المعرس يخاف يتزوج وحده مدخنة يرجع البيت بدري في يوم من الأيام يلقى أم الشباب تحرك ايدينها في الهوا تبي تضيع دخان السجاير وهي تبتسمله ابتسامه مصطنعه وتقوله..حبيبي وش جابك بدري اليوم؟
::
دايما صور وإعلانات الجذب إحترافية وتلامس النفس وتشهيها بعكس الإعلانات التوعوية وهذا سبب إضافي للتدخين
يعني دايما اعلان الدخان في كل المجلات يكون دايما أخق شئ فيها
غير كذا في مجتمع النت
(()) هالايقونات من الأيقونات الأساسية .. نحطها إذا كنا بنهايط في ردودنا هاذي كلها تخلي نفس الواحد تتقبل التدخين وتحسّه شي عادي مع الوقت
::
عموما سؤالي للمدخني شباب أو بنات ..
بغض النظر عن كون التدخين حرام وضار بالصحه..
الي أبي أساله..
.هل التدخين بالنسبة لكم مزاج..ولا هياط...ولاكشخه...ولارجوله ؟
:::
وبالنسبة لغير المدخنين..شباب أو بنات..
.التدخين في نظركم..عيب ولا ميزة..؟