ازياء - فساتين سهرة و مكياج و طبخ - سويت قرعه بين وصلك وفرقاك ورست على فرقاك وألاّ أنت غالي

سويت (قرعه) بين وصلك وفرقاك ورست على فرقاك وألاّ أنت غالي

ما أمداك تنساني ولا أمداني أنساك ماغبت عنك ألاّ .. ثلاثة ليالي

.
وأن قلت لي يمديك والله ما أمداك مسرعك تجفاني وتبعد مجالي

.
ثلاث .. مرّني بذكرك وطرياك وحطّن طيوفك بين فكري وبالي

.
جمعت فيها الشوق وارسلته وجاك وعرضّت مرسولي هبوب الشمالي

.
وقامت تسوق الشوق مناّ ومنّاك من سبّتك واللي جراله .. جرالي

.
أتلا العهد بك يوم صافحت يمناك وحلّفتني لا أقطع حبال الوصالي

.
وأنا على حلفك وعرفك ومعناك وأثرك على ماقيل .. يا همّلالي

.
رحت اتخيّل نور طلّة محيّاك وأرسم وأبروز صورتك في خيالي

.
سلبتني عقلي وانا وافي إدراك تقول مالي راس .. ياراس مالي

.
تبّت يدين الشك جابك ودّاك وخلاّك تتركني وحيدٍ لحالي

.
مازان فالك .. لين شانت نواياك وأن قمت أزيّن نيتي شان فالي !

.
مدري غشاك الكبر يوم اني اهواك وألاّ موافق لك حبيبٍ بدالي ؟

.
الي على لساني وصلك وتعداك والي في صدري كلمة ٍ ماتقالي

.
أزايم اللوعات وأقول تفداك يا كثر ما شالت قلوب الرجالي

.
الله يساعدني على طيّ ذكراك يا اللي تراودني على ماطرالي

.
سويت (قرعه) بين وصلك وفرقاك ورست على فرقاك وألاّ أنت غالي