|
انا ميس جنى خبيرة فى العناية بالبشرة والجسم وتحت امركم فى اى سؤال
بسم الله الرحمن الرحيم
بنات وسيدات المنتدى الكرام انا ميس جنى خبيرة فى العناية بالبشرة والجسم وكمان فى الشعر والتجميل وحبيت اشاركم بافكارى ووصفاتى واى بنوتة او سيدة عندها اى مشكلة او محتاجة اى وصفة انا تحت امرها فى اى سؤال وان شاء الله اكون عند حسن ظنكم واحاول بقدر الامكان الرد على جميع اسئلتكم:icon_arrow: |
رد: انا ميس جنى خبيرة فى العناية بالبشرة والجسم وتحت امركم فى اى سؤال
اهلن ميس جنى مرحبا فيك بالمنتدى ونشاء الله تستفيدي معنا وتفيدينا
انا الصراحه عندي سؤال ابغى شي ؟ يطول الشعر ؟ |
رد: انا ميس جنى خبيرة فى العناية بالبشرة والجسم وتحت امركم فى اى سؤال
ياهلا باأخت ميس
انا عندي سؤال واتمني الرد عليه بأقرب وقت هل الأستشوار بعد التمليس يفسد التمليس او يسبب اضرار للشعر .تساقط .جفاف .تقصف ودمتي سالمه |
رد: انا ميس جنى خبيرة فى العناية بالبشرة والجسم وتحت امركم فى اى سؤال
اجمل احساس بصى يا قمر عشان الشعر يطول لازم يبقى شعرك مش ضعيف ومفهوش قشرة وجسمك كله يكون سليم انا هقولك على وصفة تعمليها وتواظبى عليها وان شاء الله تشوفى الفرق وشعرك هيبقى كثيف ومتغذىوهيطول باذن الله
طبعا اكيد عارفة الجرجير الاخضر نوع من انواع الخضروات المهم هتجيبى كمية كويسة وتحطيها فى الخلاط وعليها 3 او 4 اكواب مياه وتضربيه كويس وتصفيه وتدهنى شعرك بعصير الجرجير ده مرتين فى اليوم مع مساج خفيف فى فروة راسك وانتى بتدهنى ولما تيجى تغسلى شعرك مرة فى الاسبوع او مرتين لكن مش اكتر تعملى الخلطة دى ماسك لشعرك وهى(موزة مستوية+2 معلقة عسل ابيض+3 معالق من خليط زيت زيتون وزيت سمسم وزيت جوز الهند+جرجير+علبة زبادى+بيضة) وتضربيهم كويس فى الخلاط وتحطيه على شعرك وتلفيه بكيس بلاستيك او نايلون لمدة ساعتين وبعد كده تغسلى شعرك كويس بماء فاتر وتبدئى تكررى موضوع الجرجير ده تانى طول الاسبوع دهان فقط وهقولك على شوية نصايح عامة لصحة شعرك: تسرحى شعرك يوميا خمس دقايق على الاقل عشان تنشيط الدورة الدموية حسسى على اطراف شعرك بصوابعك لو لقيتى الشعر نت تحت خشن يبقى مقصف تجيبى المقص وتقصى فوق التقصيف الموضوع ده بيساعد على تطويل الشعر جدا تاكلى طبق سلطة يوميا وخصوصا لو عروسة وشرب 8 اكواب مياه يوميا تاخدى اقراص فيتامينات (بانتوجار)هتلاقيه فى الصيدلية مرتين فى اليوم لمدة 3 شهور حاولى متغطيش شعرك وانتى نايمة وقبل النوم اعملى لشعرك تدليك خفيف وان شاء الله لو طبقتى الكلام ده كويس هتشوفى شعر صحى وقوى وطويل يا رب اكون قدرت افيدك وان شاء الله قريب هعملكوا موضوع خاص بالعناية بالشعر |
رد: انا ميس جنى خبيرة فى العناية بالبشرة والجسم وتحت امركم فى اى سؤال
انا ابغى خلطة تفتيح للوجه؟
و يسلمو ياقمر..........استغفر الله |
رد: انا ميس جنى خبيرة فى العناية بالبشرة والجسم وتحت امركم فى اى سؤال
الاخت شيماء جاسم طبعا انتى عارفة ان التمليس فى حد ذاته ايا كان نوعه بيهلك الشعر فيما بعد وبيسبب تساقط وتقصف تخيلى بقا لما انتى تزودى عليه بالسشوار اكيد لازم هيتاثر فحاولى على قد ما تقدرى تقلى السشوار يعنى ممكن تعمليه مرة او مرتين فقط
وانا هقولك على نصايح او نظام تمشى بيه عشان تحافظى على شعرك بعد التمليس وبقدر الامكان ميتاثرش: تعملى حمام زيت كل اسبوع لشعرك وتنتقى مجموعة زيوت العناية بالشعر من الصيدليه او من عند العطار عدم غسل الشعر بالماء السخن يا ريت يكون فاتر اوعى تمشطى شعرك اثناء الاستحمام او وهو مبلول لازم تستنى على الاقل نصف ساعة واياكى اياكى من انك تعملى اى صبغة او خصل لشعرك او اى مواد كيماوية عشان شعرك ممكن يتحرق واى استفسار انا فى الخدمة |
رد: انا ميس جنى خبيرة فى العناية بالبشرة والجسم وتحت امركم فى اى سؤال
الاخت عاند هواك طبعا فى 1000 وصفة لتفتيح البشرة فياريت تقوليلى نوع بشرتك ايه بالظبط
لكن انا هديلك وصفة تنفع مع جميع انواع البشرة وهى وصفة حقيقى جميلة ومجربة وكتير شكروا فيها وهى: تجيبى بطاطس مسلوقة بقشرها وتغسليها كويس جدا +قشر موز يكون نضيف جدا ومغسول ممكن موزتين+عصير نصف ليمونة او ليمونة كاملة+نصف كوب لبن وتضربيهم فى الخلاط وتحفظيهم فى التلاجة وتعملى الماسك ده يوميا وهتشوفى نتيجة كويسة جدا باذن الله وعلى فكرة الماسك ده ينفع للجسم كله وخصوصا لو انتى عروسة ونصيحتى ليكى انك تعملى تنظيف للبشرة قبل ما تعملى اى ماسك عشان يجيب نتيجة سريعة |
رد: انا ميس جنى خبيرة فى العناية بالبشرة والجسم وتحت امركم فى اى سؤال
مستنية اسئلتكم يا بنات الى عندها اى سؤال تتركه وانا لما افتح هرد عليها فى اقرب وقت
انا متواجدة يوميا معكم من بعد منتصف اليل حتى الصباح |
رد: انا ميس جنى خبيرة فى العناية بالبشرة والجسم وتحت امركم فى اى سؤال
انا عندى فى الانف نقط سمرا كتير عايزة ازالها
:11_1_207[1]::11_1_207[1]::11_1_207[1]::11_1_207[1]: |
رد: انا ميس جنى خبيرة فى العناية بالبشرة والجسم وتحت امركم فى اى سؤال
انا لو سمحتي ابا اسألك عن وصفة تعالج تقصف الشعر
وكمان عن وصفة الموز والكيوي هيا من جد تطول الشعر بكثافة وشكرا الموضوع جدا رائع |
رد: انا ميس جنى خبيرة فى العناية بالبشرة والجسم وتحت امركم فى اى سؤال
لو سمحتي انا عندي اسمرارفي اليدين الى الاكواع وفي القدمين من عند الاصابع الى مكان لبس الحيالات وانا بيضه وهذا الشي ظهر له سنتين واعتقد السبب اذا موغلطانه كثرة استخدام الديتول والكلوركس والفلاش في التنظيف وطبعا مع الاندماج الشديد في التنظيف ههههههههههههه ينرش على الاقدام ومادري ايش استخدم لارجاع الون الطبيعي وماحب كريمات التبيض اخاف منها لكن اذا مضطره راح استعملها
واذا سمحتي علاج لازالة التجاعيد من الوجه والعينين للوالده مع العلم عندها حساسيه في الانف من الغبار ولكي كل الشكر والامتنان |
رد: انا ميس جنى خبيرة فى العناية بالبشرة والجسم وتحت امركم فى اى سؤال
[]انا اريد خلطة تزيل التورم من تحت العينين لان هاي المشكلة بتزعجني[/b]
|
رد: انا ميس جنى خبيرة فى العناية بالبشرة والجسم وتحت امركم فى اى سؤال
اريد خلطة تزيل تورم العينين
|
رد: انا ميس جنى خبيرة فى العناية بالبشرة والجسم وتحت امركم فى اى سؤال
هلا والله عندي سوال زغنون ماهي المده التي استخدم فيها الحنا بعد عمليه التمليس ؟؟؟؟؟؟
|
رد: انا ميس جنى خبيرة فى العناية بالبشرة والجسم وتحت امركم فى اى سؤال
الاخت ورده حمرا بالنسبة للنقط السودا فى الانف انا هقولك على وصفة بس حاولى بقدر الامكان تواظبى عليها يوميا عشان تعمل معاكى نتيجة بس قبل ما اقولك الوصفة يا ريت قبل ما تستعمليها تكونى عاملة حمام بخار على وشك عشان المسام تبقى مفتوحة وتعملى صنفرة خفيفة للوجه والوصفة عبارة عن
حبة البركة+خل التفاح الاصفر وتخلطيهم كويس وتدلكى بيهم الانف بشكل يومى وممكن مرتين فى اليوم وان شاء الله هتحسى بالفرق |
رد: انا ميس جنى خبيرة فى العناية بالبشرة والجسم وتحت امركم فى اى سؤال
أختي ميس أشكرك على موضوعك صراحه جاء في وقته
أنا أعاني من أثار حب الشباب في ظهري وكتفي صاير كله بقع بنيه وسودا وحبوب وأنا موعارفه إيش أسوي بصراحه شكله مقز وماأبغى أروح للعيادت بليز إذا عندك حل إسعفيني |
رد: انا ميس جنى خبيرة فى العناية بالبشرة والجسم وتحت امركم فى اى سؤال
الاخت علوشا اسئلتك مهمة وكويسة بالنسبة لسؤالك الاولانى فعلا قناع الموز والكيوى بيعمل على تطويل الشعر بس طبعا عايز مداومة ومحتاج صبر يعنى شعرك هيطول معاكى على المدى الطويل والقناع عبارة عن 3 موزات +1كيوى وتخلطيهم جيدا وتضعيه على الشعر نصف ساعة وبعدها تغسلى الشعر كويس
ولو فعلا محتاجة تطولى شعرك وتخليه كثيف فى اسرع وقت انا برشحلك استخدام زيت الحشيش الاصلى والله ممتاز جدا وهتدعيلى لو جربتيه وهتشوفى نتيجة هايلة لشعرك انا شخصيا بستخدمه بالنسبة لسؤالك التانى طبعا مهم جدا وتقريبا الاغلبية العامة بيعانوا من تقصف الشعر وده ليه اسباب كتير جدا هناقشها فى موضوع لوحدها فيما بعد لكن احسن حل طبعا للتقصف انك تقصى الشعر المقصف باستمرار وتبداى تقصى من فوق التقصف بسنتيمتر ويا ريت يا ريت التغذية الصحيحة لان لو الجسم سليم الشعر هيكون قوى اتجنبى السشوار وسائل الفرد لانها بتخرب الشعر طبعا حافظى عليه بحمامات الكريم والزيت باستمرار اوعى تسرحى شعرك وهو مبلول سيبيه على الاقل نصف ساعة ينشف وبما انك فكرتينى بالموز هقولك وصفة كويسة من قشر الموز لعلاج التقصف قشر 3 موزات+مجموعة الزيوت المهمة طبعا للشعر(زيت جوزهند وزيت زيتون وزيت خروع) وتضربيهم فى الخلاط كويس وتعمليهم قناع لشعرك نصف ساعة مع تغطيته بكيس بلاستيك وبعدين تغسليه كويس وان شاء الله مع الاهتمام والعناية شعرك هيتصلح |
رد: انا ميس جنى خبيرة فى العناية بالبشرة والجسم وتحت امركم فى اى سؤال
جد موضوعك روعة بس
اتزكر ايش ابغى بجيلك والي اسئلة كتير ههههههههههه |
رد: انا ميس جنى خبيرة فى العناية بالبشرة والجسم وتحت امركم فى اى سؤال
مشكورة كتير عالموضوع الرائع
يعطيكي الف عافية بدي اسألك سؤال انا لما بحط كريم اساس بيحور عالوجه والسبب مو من الكريم لاني استخدمت انواع كتيرة وبحط كريم مرطب كمان مانفع كمان سؤال عن كيفية تنضيف البشرة وشكرا |
رد: انا ميس جنى خبيرة فى العناية بالبشرة والجسم وتحت امركم فى اى سؤال
اختي ميس
امي العزيزة بحاجة الى وصفة لتنعيم الشعر واختي تحتاج لوصفة لحب الشباب وعمرها 14 ومشكورة على موضوعك الرائع |
رد: انا ميس جنى خبيرة فى العناية بالبشرة والجسم وتحت امركم فى اى سؤال
الاخت شموخ انثى بالنسبة لسؤالك الاولانى الى يخص الاسمرار هديكى برنامج تمشى عليه وباذن الله ايديكى ورجليكى هينوروا من البياض بس انتى طبقيه زى ما هقولك
اولا تعملى صنفرة لايديكى ورجليكى ازاى؟ هتجيبى حجرين خفاف واحد للايدى واحد للارجل وتبلى ايدك ورجلك وتجيبى بيكربونات الصوديوم وتشتغلى بالحجر الاولانى على ايدك والتانى على رجلك بحركات دائرية بس بضمير وتزودى البيكربونات كل ما تحتاجى لان دى صنفرة تانى خطوة التقشير لازالة الجلد الميت برضو لايدك ورجلك عن طريق كريم مقشر من الصيدلية او تعملى مقشر بنفسك فى البيت زى ده (معلقة زيت زيتون+معلقة سكر+عصير ليمونة) وتبدئى تدلكى بيهم ايديكى ورجلك 10 دقايق هتلاقى الجلد الميت بيطلع معاكى ثالث خطوة تجهزى الماسك ده للتفح لايدك ورجلك طبعا (معلقة زيت زيتون+معلقة خل تفاح+معلقة عسل ابيض+عصير ليمونة)وتسبيهم ربع ساعة وبعدين تشطفيهم صدقينى لو مشيتى على النظام ده مرتين فى الاسبوع هتشوفى نتيجة هايلة وحاولى دايما بعد الغسيل او استخدام المنظفات ترطيب اليد بكريمات مرطبة بالنسبة للتجاعيد عند ماما طبعا بحكم السن البشرة بتتاثر ومع تقدمه لازم تظهر التجاعيد فدى حاجة طبيعية وفى ناس بتعالج الموضوع ده باليزر عن طريق شد البشرة وفى كريمات بس افضل انها متستخدمش كيماويات لانها مضرة على الفاضى بس ممكن تعتنى بشرتها اكتر وانصحها باستخدام غذاء ملكات النحل وحبوب القاح مع العسل وطبعا الاتنين غنين عن التعريف هتلاقيه غالى شوية بس خلى ماما تواظب عليه ويا ريت تقل من شرب الشاى والقهوة على قد ما تقدر واى استفسار تانى انا فى الخدمة |
رد: انا ميس جنى خبيرة فى العناية بالبشرة والجسم وتحت امركم فى اى سؤال
انا ما جاوبتي علي اختي ميس
|
رد: انا ميس جنى خبيرة فى العناية بالبشرة والجسم وتحت امركم فى اى سؤال
الاخت دلوعة بالنسبة لترهل العيون انصحك بكمادات الشاى البارد قبل النوم يوميا لمدة 10 دقائق
او كمادات الماء البارد وضع شرائح الخيار الطازج او شرائح البطاطس على العين 30 دقيقة يوميا طبعا مع الاستمرار عشان تلاقى نتيجة كويسة |
رد: انا ميس جنى خبيرة فى العناية بالبشرة والجسم وتحت امركم فى اى سؤال
[size="4"]الاخت غدر الزمان اسفة على تاخيرى بس انا ماشية فى الرد على الاسئلة بالترتيب عشان مش انسى ولا سؤال
بالنسبة لوصفة تنعيم الشعر لماما هتكون(نخاع+زيت السمسم+زيت الزيتون+صفار بيضة)[بتخلطهم على بعض ويتعملوا حمام زيت وتلف شعرها بفوطة سخنة كويس جدا وتنتظر 3 ساعات وبعدين تغسل شعرها بالنسبة لاختك البنوتة حب الشباب طبيعى جدا فى السن ده خليها متقلقش بس ياريت تواظب على ماسك الخميرة لانه ممتاز لحب الشباب وهو(قطعة خميرة بيرة+معلقة عسل كبيرة) وتركهم 20 دقيقة ويا ريت تبتعد عن الاملاح على قد ما تقدر نورتينى يا قمر واى سؤال انا فى الخدمة/size] |
رد: انا ميس جنى خبيرة فى العناية بالبشرة والجسم وتحت امركم فى اى سؤال
طيب حبيبتي ميس
مشكورة بس من وين بقدر اجيب النخاع (اصلا ما بعرف شو هوة المخاع) والخميرة بيرة كمان شو هية ومن وين بقدر اجيبها |
رد: انا ميس جنى خبيرة فى العناية بالبشرة والجسم وتحت امركم فى اى سؤال
الاخت شوارب نملة انتى ممكن تستخدمى الحنة بعد التمليس بيومين على طول لان الحنة ما بتتاثر بالتمليس ولا التمليس بيتاثر بيها لكن ممكن تلاقى درجة لون الشعر افتح درجة او درجتين
وعلى فكرة الاصح انك تعملى التمليس الاول وبعده الحنة وليس العكس نورتينى يا قمر |
رد: انا ميس جنى خبيرة فى العناية بالبشرة والجسم وتحت امركم فى اى سؤال
الاخت غدر الزمان النخاع ده برضو نوع من انواع الزيوت زى زيت الزيتون وزيت الخروع وهو اسمه زيت النخاع واغلب حمامات الكريم المعروفة بتبقى بزيت النخاع لفوايده الهايلة للشعر فانتى ممكن تجبيه من مكان ما بتجيبى انواع الزيوت الاخرى
اما بالنسبة للخميرة مش معقول تكونى مش عارفاها دى الخميرة الى بتدخل فى صنع العجائن والمخبوزات وممكن تسالى عليها عند اى ماركت نورتينى يا قمر ولو اى استفسار تانى انا معاكى |
رد: انا ميس جنى خبيرة فى العناية بالبشرة والجسم وتحت امركم فى اى سؤال
مشورة دكتورة وينك من زمان
1- عندي في بشرة وجهي خاصة الانف وتحت العينان روؤس سوداء مالحل؟ 2- خطوط مابعد الولادة في البطن والاردف كيف تروح؟ |
رد: انا ميس جنى خبيرة فى العناية بالبشرة والجسم وتحت امركم فى اى سؤال
يدكي العافيه حبيبتي |
رد: انا ميس جنى خبيرة فى العناية بالبشرة والجسم وتحت امركم فى اى سؤال
أختي ميس ليه مارديتي على سؤالي بليز محتاجه حل
وشكرا مقدما |
رد: انا ميس جنى خبيرة فى العناية بالبشرة والجسم وتحت امركم فى اى سؤال
الاخت سحابة زرقاء اسفة على تاخيرى كنت مشغولة حبتين بصى يا قمر قبل ما اقولك على اى وصفة لمشكلتك عايزة اعرفك حاجة مهمة جدا عشان متعبيش ازالة اثار حب الشباب والبقع اصعب من ازالة الحبوب نفسها لان الاثار بتكون عبارة عن دم محتقن داخل الجسم فالوصفة الى هقولهالك حاولى تواظبى عليها باستمرار لانها بتجيب مفعول على المدى الطويل
بتعملى ماسك البن(بن القهوة) معلقة بن+معلقة ترمس مطحون+معلقة لبن بودرة+معلقة زيت زيتون+ماء ورد تخلطيهم كويس وتفردى الماسك على المكان المصاب فى جسمك وتسيبيه من ثلث الى نصف ساعة ويتم ازالته بالفرك وبعدها الاستحمام بماء دافىء وياريت يكون بالشاور بلاش الصابونة العادية والوصفة دى يوم فى الاسبوع لكن طول الاسبوع يوميا تعملى الوصفات دى كل ما تكونى فاضية والله كلها مفيدة جدا لمشكلتك اولا جلسرين مضاف عليه عصير ليمونة وتدهنى بيها الاماكن الغامقة وتركيه ساعة حلو جدا جدا للتنعيم والتفتيح والبقع ثانيا منقوع النعناع تمسحى بيه المكان او ماء النعناع المغلى بس طبعا يكون دافىء ياريت تواظبى على الوصفات دى يا قمر وان شاء الله تلاقى نتيجة كويسة المهم الصبر انا مش عايزة اقولك على اى نوع كريمات من الصيدليه لا نى معرفش نوع بشرتك والانواع طبعا بتختلف نورتينى يا قمر |
رد: انا ميس جنى خبيرة فى العناية بالبشرة والجسم وتحت امركم فى اى سؤال
اهلين ياميس يعطيك العافيه يارب
|
رد: انا ميس جنى خبيرة فى العناية بالبشرة والجسم وتحت امركم فى اى سؤال
موفقة اختي
|
رد: انا ميس جنى خبيرة فى العناية بالبشرة والجسم وتحت امركم فى اى سؤال
ميرسي اوي عالموضوع الجميل ده انا بعاني جدا من لون بشرتي وجسمي ونفسي ف اي حل لتفتيح لون الوجه والجسم ارجو المساعده
|
رد: انا ميس جنى خبيرة فى العناية بالبشرة والجسم وتحت امركم فى اى سؤال
موفقه ياخت ميس جنى تقبلي تحياتي
|
رد: انا ميس جنى خبيرة فى العناية بالبشرة والجسم وتحت امركم فى اى سؤال
السلام عليكم انا مشكلتي في رجلي من تحت خطوط حمراء كيف ازيلها وشكرا
|
رد: انا ميس جنى خبيرة فى العناية بالبشرة والجسم وتحت امركم فى اى سؤال
الاخت قطقوطة سامحينى ان مش فاهمة سؤالك الاول عايزة اعرف تقصدى ايه بكلمة بيحور على الوجه معلش انا مصرية وفى كلمات مش بفهمها بس واضح من كلامك ان فى مشكلة فى بشرتك نفسها وليس فى كريم الاثاث او طريقة استخدامك خاطئة ياريت توضحيلى سؤالك اكتر عشان اقدر افيدك وانا مستنياكى ان شاء الله
اما عن سؤالك التانى وهو تنظيف البشرة هقولك الخطوات وتمشى عليها بالترتيب مع العلم ان تنظيف البشرة بيكون مرة واحدة بالشهر لانى هقولك خطوات التنظيف العميق (النيتوياج) للبشرة فى البداية ازالة الميكب جيدا باستخدام اى لوشن للوجه من الصيدلية ثم غسيل الوجه جيدا بالصابونة الطبية المخصصة للوجه فقط الخطوة الثانية مسح الوجه بقطنة مبلة بالبن بطريقة دائرية من اسفل لاعلى باتجاه الوجه وطبعا متنسيش الرقبة تدخل ضمن التنظيف الخطوة الثالثة فوطة مبلة ماء دافىء تغمس فى بيكربونات الصوديوم ويمسح بها الوجه ويشطف بماء فاتر وبعد ذلك وضع كمية مناسبة من الزبادى على الوجه واتركيها قليلا بعد ذلك قومى بتسخين ماء وهو يغلى اضيفى اليه النعناع والبقدونس وغطى شعرك بفوطة واقتربى منه لتستمتعى بالبخار 10 دقائق طبعا بعد ازالة الزبادى بقطنة وليس بالماء الخطوة الى بعدها تدليك الوجه بالسكرلمدة 5 دقائق برفق ثم تزال اثار السكرويوضع ماسك عبارة عن(ترمس مطحون +خميرة +قليل من الماء)ويدلك 3 دقائق ويترك ليجف يشطف بعد ذلك ويوضع عسل نحل لمدة نصف ساعة ثم يشطف الوجه بماء فاتر ويمسح بقطنة مبلة ماء الورد مضاف اليها عصير ليمون ثم بعد ذلك يمرر ثلج على الوجه لغلق المسام وده يا قمر خطوات التنظيف العميق كل شهر اما التنظيف اليومى بقى هيكون تنظيف البشرة يوميا صباحا ومساءا بالصابون الطبى المناسب والماء بيكون فاتر ثم مسح الوجه بالتونر وارشحلك طبعا ماء الورد افضل تونر طبيعى على الاطلاق وتمررى ثلجة وتنشفى وجهك جيدا ثم وضع كريم مرطب مناسب لبشرتك وطبعا التنظيف اليومى ده اول ما تصحى وقبل النوم واى سؤال يا قمر انا فى الخدمة |
رد: انا ميس جنى خبيرة فى العناية بالبشرة والجسم وتحت امركم فى اى سؤال
الاقتباس غير متاح حاليا
مرة شكرا على الرد معليش تعبتك معايا |
رد: انا ميس جنى خبيرة فى العناية بالبشرة والجسم وتحت امركم فى اى سؤال
اول شي احب ارحب فيكي بيننا بهالمنتدى الاكثر من روعه ثاني شي احب اشكرك على هاي البادره الطيبه منك
وثالث شي اذا ما عليك امر احب اعرف حلول للهالات السوداء والرؤوس السوداء واثار حب الشباب,,يسلمو حبيبتي تقبلي مروري |
رد: انا ميس جنى خبيرة فى العناية بالبشرة والجسم وتحت امركم فى اى سؤال
ممكن حضرتك تجاوبيني علي سؤالي انا اعاني من لون بشره وجهي وجسمي انا بشرتي عاديه وعايزه اي حل فعال للتفيح ياريت حضرتك تساعديني ارجو الرد
|
| الساعة الآن توقيت السعودية الرياض و الدمام و القصيم و جدة 11:52 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.