ازياء - فساتين سهرة و مكياج و طبخ - تذكر يوم اقولك جسد يحتوي روحين

تذكر يوم اقولك جسد يحتوي روحين

واوعدك ما أخليك وتوعد ما تخليني ؟

أذكر يومها أشوف بالدنيا بس أثنين ..

قلبي الي يحبك وقلبك الي يحويني ..

بعدها بأيام شفت ايدك تحتضن ايدين

وانصدمت يوم شفت انها غير ايديني

سكت لجل خاطرك وقلت مرحبا بالزين

مرحبا بالي القلب لجله حيل كاويني

مر يوم واسبوع وشهر وبعدها شهرين

وهو لازال مايدري بأني شفته بعيني

وأخاف اني أقوله له خاين وينجرح بعدين

واخاف أسكت وبسكوتي صمتي حيل يشقيني

واجهته وانا ابكي والعين تحتضن العين

سألته : ليه تنساني ؟ ولا ماكنت تغليني ؟؟

سكت ولفّ عني وخبى وجهه بالإيدين ..

الي كانت تحضني وغيرها ما تدفيني ..

سحبت وجهه ومسحت الدمع على الخدين

وقلت له والله أحبك ولو انك تخليني ..!

سكت فتره وقال لي : لازلتي تحبين ؟؟

بعد الي تشوفينه لا زلتي تحبيني؟؟

ابتسمت وقلت أجلك ماعرفت للحين

اني أحبك حيل والي يرضيك يرضيني ..

سكت فتره وانا أعاود فرحة بقت لسنين

وتركته وتركت حبه الي بقى فيني

وصارت الدمعة اذا هلّت أقول أهلين

والبسمة هجرتني ونست دربها فيني ..

بعدها بأيام سمعت خبر والله شين..

سمعت انه مات وهو يطلب يلاقيني

ويوم اني رحت.. وصيته لي بورقتين

الأولى بها أسمي كتب بدمه يغليني ..

والثانيه يقول فيها: أبي اوضحلك شين

الأول أحبك حيل وماسكن غيرك شراييني

والثاني أمانه لا جيتي لأهلي تعزيّن

لا تنزل دموعك لي طلبتك لاتَبْكِينِي

كل الي أبيه انك بالخير لي تدعين

وانك بالشهر مره بقبري تزوريني ..

والي أبيك تعرفيه ومهم انك تعرفين

الي شفتيها معي كانت بموتي تبشّرني

انا الي خليتك من كيفي عني تبعدين ..

لجل ما ينجرح قلبك بلحظة موت تحويني ..

تكفين لا تظنين اني خنتك يا الغلا تكفين

واذا لازلتي تحبيني دايم بالخير أذكريني ..

سكت وقلت : ياليتني ظليت معك يازين

وشفت الموت ياخذك مني ولاكذا تخليني ..

تظنون اني نسيت أو الدمع جف بالعين؟

لا والله الين اليوم وهو معي يخاويني

لو تدور الدنيا ولو تمر بعدها سنين

ما نسيته لو أشوف أحفادي حواليني ..

منقول لعيونكم:icon_arrow: