الغربه.... عسى لايعيدها سفره ولاهي كانت دراسه
أبد لاتسألين بغربتي عن آخر الأخبار
عمت عين السفر دامي أذوق المر من كاسه..!! ~~~ أنا الي بسألك قولي.. جواب بكلمتين صغار بلد من دونك (اش) يسوى بعيني؟ يابعد ناسه ~~~ بدونك.. ما أطيق البعد لو هو بينا أمتار..!! ولكن هالفراق أقوى ولاينفع به سياسه ~~~ ترى لولا اتصالاتك.. برغم الي يدق.. كثار حشى مافيه أحد غيرك يرد لصدري أنفاسه ~~~ ألا ياشوق خفاق ٍ ضويتي ظلمته أنوار وصار اليوم ينبض لك مشاعر حيل حساسه ~~~ تبي تدرين بفراقك معي يا الغاليه وش صار ؟؟ تبي تعرفين مجنونك وش الي قالب ٍ راسه ؟؟ ~~~ لك الله عايش بحالي/ لحالي.. شاعر ٍ منهار وأنا كل ما طريتي لي صرخ شعري بقرطاسه..!! ~~~ يمر يومي.. ولابه غير همي و الحزن زوار عسى الله يرحمه حال ٍ غدا هالثنين جلاسه ~~~ شحن جوالي أنهيته..!! أقفّل .. وافتحه أمرار..!! قسم لولا رسايلنا .. حبيبك قاتله ياسه..!! ~~~ فقدتك والدمع لامن ذكرتك يفضح الأسرار ولا أشره على وقت ٍ به الأيام دساسه ~~~ أسلي نفسي بكثر الأماني.. واليدين قصار وأنام وربي العالم وش الي خاطري حاسه..!! ~~~ كأني من ملك أسهم يبي تضحك له الأقدار وقدّم كل ماعنده.. وفجأه أعلن إفلاسه..!! ~~~ كأني طالب بغربه.. تذكّر عيلته والدار وهو كل ماذكر أمه.!! ملا هالدمع كراسه ~~~ أعاني كثر ماتملك ومالك بالحشى تذكار و(أحبك) والبلا حبك أبد ما أملك قياسه ~~~ جعل في داخلي عرق ٍ سمع بك يا الغلا ماثار..!! يموت.. و وش لي بعرق فوصالك ميت إحساسه ~~~ حياتي تسأليني عن جديدي بالشعر وأحتار وش أكتب لك شعر وانتي غديتي اليوم نبراسه..!! ~~~ ولكن أوعدك شعر ٍ لاقوله يتعب الشعار متى ماشفتك وموعد لقانا دقت أجراسه ~~~ لأن مافيني أتحمّل بعادك في سفر وانهار عسى لايعيدها سفره.. ولو هي كانت دراسه مماراق لي لمبدع..عبدالله الظفيري.. :11_1_207[1]::11_1_207[1]::11_1_207[1]: |
رد: الغربه.... عسى لايعيدها سفره ولاهي كانت دراسه
مشكورين
ولا رد |
رد: الغربه.... عسى لايعيدها سفره ولاهي كانت دراسه
يسلمو
|
رد: الغربه.... عسى لايعيدها سفره ولاهي كانت دراسه
مشكوره حبيبتي ربروبة
|
رد: الغربه.... عسى لايعيدها سفره ولاهي كانت دراسه
يسلمو
|
الساعة الآن توقيت السعودية الرياض و الدمام و القصيم و جدة 12:48 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.