ازياء - فساتين سهرة و مكياج و طبخ

السلام عليكم ورحمة الله وبركاته
منذ اصبحت خاله والعالم بالنسبه لى أصبح له معنى جديد وجميل, فأنا لدى بنات أختى سارة وسلمى, سارة 7 سنوات وسلمى خمس سنوات, لى معهم مواقف كوميدية كثيرة احب أن أحكى لكم شئ منها.

ذات يوم كنت العب مع سارة وسلمى وسخن العب قليلا و صارت بيننا معركه , فاتفقت سارة مع سلمى على الهجوم عليا فى نفس الوقت , وكنت اخوفهم بالحركات , فخافت سلمى منى بينما تجرأت سارة وهجمت على بقوتها, ولحسن حظها فقد ذلت قدمى بالصدفه فى طرف السجادة , فسقطت وظلنا نضحك , و لكن سارة توقفت وسألت سلمى معاتبه ( يا سلام بتضحكى و انتى ما هجمتيش معايا ؟؟ ليه بعد ما اتفقنا انك تهجمى معايا ماهجمتيش؟؟؟)
فاستدركت سلمى بسرعه بذكاء قائله ( ما انا قلت يا رب خلى خالتو تتكعبل فى السجادة راحت اتكعبلت .....)

2- احيانا من كثرة الشقاوة يطفش الام و الاب فما بالكم بالخاله؟؟؟
ذات مرة قلت لهم ( على فكرة انا مش خالتكم , انا لاقونى فى الشارع تحت شجرة و اخدونى و عطفوا على و ربونى وعاهم , لكن فى الحقيقه انا مش خالتكم فياريت تسيبونى ارتاحلى شويه)

سلمى- يا سلام امال ازاى انتى اخت ماما؟؟؟
انا- لعلمكم ان امكم كمان كانت تحت الشجرة الى جمبى
سلمى- يا سلام ,, ياحبيبتى ماما دى بنت تيتا يعنى هو معقول بابا هيتجوز واحده لاقوها فى الشارع تحت الشجرة؟؟؟؟

- ذات مرة اخذت سارة تقوم بعض حركات الشقاوة , وكلما كنت انهيها عن فعل ما تفعل كانت لا تنتهى , فصرخت فيها قائله ( طيب لما يجى جدو راح اقوله وهو راح يعرفك شغلك) وسارة تخاف جدا من جدها - ابى-لان له هيبه كبيرة.
وعندما حضر ابى - جدها - للمنزل اذا بها تهرع اليه وتقبله وتحتضنه ثم نظرت اليه براءة شديده وحنان متسائله... جدوا انت تحبنى؟؟؟
فنظر اليها ابى بعطف وحب شديد طبعا ياسارة انا اموت فيكى.
فقبلته مرة اخرى وقالت له بحب وانا ياجدو احبك ومهما يحدث فى الدنيا مش هزعل منك ابدا يا حبيبيى يا جدو.
فقبلها واعطاها بعض المال وتركها.
ابتسمت بفرح ثم هرعت اليا وفى عينيها كل معانى التحدى وبسخريه شديده قائله.
( روحى قوليله الى انتى عايزاه)
ههههههههههههههه

وانتم هل يوجد فى حياتكم بعض المواقف الطريفة لاطفالكم؟؟؟