الفرق مابين البنت الناعمة....................و البنت الدفشة
[COLOR="Plum"]«®°·.¸.•°°·.¸¸.•°°·.¸.•°®» السلام عليكم«®°·.¸.•°°·.¸¸.•°°·.¸.•°® »[/COLOR]
البنت الناعمه طبعاً هذه البنت وهي نايمه في غرفتها الدبدوب والأرنوب كلها في احضانها واذا قامت من النوم ماتقوم الا الساعه الواحده بعد الظهر والي تقعدها من النوم الخادمه وطبعاً تكلمها باللغه الانجليزيه ..... بترجم لكم شو قالت لها الخادمه .... قومي انسه وقت واجد تاخير في النوم ..... والناعمه اول ماتصحي من نومها تفتح الستاره والشباك الغرفه عشان الغرفه تتنفس ؟؟؟؟ وتشغل موسيقى رومانسيه علشان يكون الجو رايق وتاخذ حمام محترم وبعد ماتطلع من الحمام على المرآيه تمشط شعرها وتحط من هالكريمات المعطره على جسمها والمكياج وتحافظ على نظرة بشرتها .... خلصت من هذا كله تلبس البنطلون الجنز والبلوزه ذات لون هادي ..... وتنزل تاكل الفطور الي عباره عن دونات وعصير برتقال oOالبنت الدفشهOo تقوم من النوم الساعه الثامنه صباحاً وهي ماودها تقوم وتدخل عليها امها بالغرفه وتصرخ عليها قومي شبعتي من النوم .... ترد الدفشه على امها زين الحين بقوم....وتقوم من النوم تأف أف ويطلع من فمها نار من الافافه ........ بالاضافه الى انها وهي نايمه كل دقيقه تطيح من على السرير من دفاشتها حتى في النوم دفشه وبعدين يدخل اخوها الصغير ويصرخ ... وجع ... يالله كفايه نوم .... ترد عليه تطلع من الغرفه والا ارميك من الشباك الحين ........؟؟؟؟؟؟؟........ المهم اخوها الي اكبر منها يروح لها في الغرفه يرفسها وبعد تلك الرفسه العنيفه ..... تصحي من نومها oOالبنت الناعمهOo ماتغداء الا الساعه الرابعه او الخامسه ولا تتغداء الا على عيش ابيض مسلوقوسلطه تحافظ على رشاقتها.... oOالبنت الدفشهOo تغداء الساعه 12 بالضبط ولا تتغداء الاكبسة لحم او دجاج واذا خلصت تشرب بيبسي شربه واحده يعني مافي مجال انها تتنفس ....... وماتسمع الا اصوات مسموعه oOالبنت الناعمهOo طلعتها تكون بعد صلاة المغرب ماتطلع العصر تحافظ على بشرتها من ضوء الشمس oOالبنت الدفشهOo تطلع الساعه الثانيه تروح مشي لبيت خوالها لحد ماتنقلب بشرتها سمرا oOالبنت الناعمهOo تروح ستار بكس او اي كافي وقبل لاتطلع تمر على الصالون تحط ميك اب oOالبنت الدفشهOo تحط كحل يملا العين والروج تقول ماكله كبده واذا بتروح الى السوق تروح سوق الحراج oOالبنت الناعمهOo اذا تبي تضحك تقول ( ههههههه ) ويدها على فمها من الخجل والضحكه من الصعب ان تسمعها oOالبنت الدفشهOo ( هاهاهاهاهأها ) والحاره الثانيه تسمع ضحكاتها oOالبنت الناعمهOo لما تتفرج على التلفزيون تقعد على كرسي وتحط رجل على رجل وتبتسم تضفي بشاشه على الوجه oOالبنت الدفشهOo تنسدح على الارض تحت التلفزيون وتحط تحت راسها مخده وتمد رجلها وتحطها على التلفزيون واذا تبي تغير القناة دقت التلفزيون باصبع رجلها وغيرت القناة oOالبنت اناعمهOo اذا تبي تحلم احلام اليقظه طلعت في حديقة البيت وقعدت على الكرسي هزاز وتحلم بالي هي تريد oOالبنت الدفشهOo تروح بالحوش البيت وتفرش السجاد الي فيها خمسه وثلاثين لون احمر واسود وابيض وماخلق الله وجابت كاسة ستة متر مليانه من الشاهي ^@^تحياتي*&* منقول^@^ :icon_arrow: |
رد: الفرق مابين البنت الناعمة....................و البنت الدفشة
مشكوره حياتي :051: على الموظوع الحلو
|
رد: الفرق مابين البنت الناعمة....................و البنت الدفشة
|
رد: الفرق مابين البنت الناعمة....................و البنت الدفشة
موضوع بجنن
يسلمو |
رد: الفرق مابين البنت الناعمة....................و البنت الدفشة
منورة يالغالية اسعدني تواجدك
|
الساعة الآن توقيت السعودية الرياض و الدمام و القصيم و جدة 07:50 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.