ازياء - فساتين سهرة و مكياج و طبخ - تبيني , اع تذر آسف .. , لكن وش هي الزله .. !!

تراني كنت متوقع تصدق هرج خلق اله
ولكن ما توقعتك تسولف بي لعذالك!!

تبي تنساني ؟ / إنساني /.. فداك الي مضى كله
يجوز أحيا من فراقك مدامي ميِت بوصالك !!

ترى ما يجحد الواقع سوى خلٍ نسى خله
مثل ما تجحد عيوني حنينٍ حيل يظما لك

مع أني عارف ما أحدٍ يداوي غيرك العله
أسج بحالي لحالي لجل ما ينبري حالك!!

وأكابر من خطا نفسي وأزيد الجرح و أبله
وأتحاول في عبث مضحك أدور غير همالك

حبيبي حتى لو زولي من غيابك فقد ظله
كفاية شمسك اليا اليوم تنسج حولي ظلالك

تبيني / اعتذر /؟ ( آسف )، لكن وش هي الزله ؟؟
تبيني أجرحك؟ حاضر أنا همك وغربالك

مدام أني سبب دمع حزين ناظرك هله
فعساني يا بعد عيني اجل ما اطري على بالك !!

وإذا قالوا لك إن قلبي من فراقك نزف غله
قل إن: مابه بلا ! عسى درب السعد فالك

وأنا واله وثم واله وثم واله
لا سوي ما تبي من شان بس تحقق آمالك

ولكن قبل ما تبعد وتنسى ما مضى كله
أمانه بس علمني وش الي غير أحوالك!!