ازياء - فساتين سهرة و مكياج و طبخ - يمنع دخول الحبايب الي مافيهم ضمير

يا ذكيٍ ] .. في جُروحك ما يفيدك هالذكاء
إنتَ شاطر! بس قلبي يُعْتَبَر فلته خطير

شاعرٍ ما ضاق صدري إلا في وقت { الرثاء
يعني ( حُبك ) ما يهمني لأن فيه غيرك كثير

جيتني مِشتَك / وقّف ثُم إخِذ خطوَه لِوراء
لا تجي جنبي ،، وتزلِقْ في خفوقي يا صغير

الي بك ماهو > شطاره < الي بك هذا بلاء
من غرورك تحسبْ إنه القمر منّك يغير

ما تشابهني بشيٍء وبيننا خط إستواء
أنا أمشي في رزانه ..} وإنتَ بخبآلٍ تطير

( قلبي ) متعلّق في بابه لوحةٍ فيها رجاء
[ يمنع دخول الحبايب الي ما فيهم ضمير ]

وإنت ما عندك ضمير .. وحتى ما عندك ولاء
والي مثلك والله يمكن في جهنم له مصير

بارعٍ أتقنت دورك .. يُوم مثَّلت ..{ الوفاء
ولخيانه لو طلع موطن أكيد إنت الأمير

من خطا واجب يُحاسَب .. ومن عدل ياخذ جزاء
وإنت مخطي بحق نفسك وجداً حسابك عسير

كنت لي شمسي , وقلبي إشتاق لنجوم المساء
يعني مشهد - في حياتي وإنتهى الفصل الأخير ..!